କାମାକ୍ଷାନଗର : ଜେଲ ଫେରନ୍ତା ଅଭିଯୁକ୍ତଙ୍କୁ ଗୁଳି କରି ହତ୍ୟା । ଆଳତୁମା ରେଲୱେ ଏଭରବ୍ରିଜ ପାଖ ସଉରିଆ ନିକଟରେ ହତ୍ୟା । ରକ୍ତ ଜୁଡୁବୁଡୁ ଅବସ୍ଥାରେ ମୃତଦେହ ଉଦ୍ଧାର , ଗୁଳି ଜବତ । ବିଳମ୍ବିତ ରାତିରେ ବୀଭତ୍ସ ଭାବେ ହତ୍ୟା କଲେ ଦୁର୍ବୁତ୍ତ । ମୃତକ ଜଣକ ହେଉଛନ୍ତି ନିରଞ୍ଜନ ସାହୁ । ସେ ୬ ମାସ ତଳେ ଜେଲରୁ ଫେରିଥିଲେ । ପୂର୍ବତନ ସମିତି ସଭ୍ୟ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଥିଲେ ନିରଞ୍ଜନ । ୨୦୨୨ରେ ପୂର୍ବତନ ସମିତିସଭ୍ୟଙ୍କୁ ଗୁଳି କରି ହତ୍ୟା କରାଯାଇଥିଲା । ଗତକାଲି ବିଳମ୍ବିତ ରାତିରେ କାମାକ୍ଷାନଗର ଥାନା ଆଳତୁମା ମାଳବନ୍ଧ ନିକଟରେ ଏହି ଗୁଳିମାଡ଼ ହୋଇଛି । ପୂର୍ବ ଶତ୍ରୁତାକୁ କେନ୍ଦ୍ର କରି ଗୁଳିମାଡ଼ କରାଯାଇଥିବା ଜଣାଯାଇଛି । କାମାକ୍ଷାନଗର ପୋଲିସ ଘଟଣାର ତଦନ୍ତ ଜାରି ରଖିଛି ।
