ନୂଆଦିଲ୍ଲୀ : ଅମରନାଥ ଯାତ୍ରାରେ ଯାଉଥିବା ତୀର୍ଥଯାତ୍ରୀଙ୍କ ପାଇଁ ଭଲ ଖବର। ଚଳିତ ବର୍ଷ ଜୁଲାଇ ୧ରୁ ଯାତ୍ରା ଆରମ୍ଭ ହେବ। ଏହା ସହିତ ବାବା ବର୍ଫାନୀଙ୍କ ପ୍ରଥମ ଫଟୋ ମଧ୍ୟ ସାମ୍ନାକୁ ଆସିଛି।ଅମରନାଥ ଯାତ୍ରା ଜମ୍ମୁ-କାଶ୍ମୀରର ଅନନ୍ତନାଗ ଜିଲ୍ଲାରେ ପାରମ୍ପରିକ ୪୮ କିମି ଲମ୍ବା ନୁନଓ୍ଵାନ-ପହଲଗାମ ରାସ୍ତା ଏବଂ ଗନ୍ଦେରବଲ୍ ଜିଲ୍ଲାରେ ୧୪ କିମି ଲମ୍ବା ବାଲଟାଲ ରାସ୍ତାରୁ ଆରମ୍ଭ ହେବ। ଅଧିକାରୀମାନେ ଏହି ସୂଚନା ଦେଇଛନ୍ତି। ଜମ୍ମୁ ସ୍ୱାସ୍ଥ୍ୟସେବାର ନିର୍ଦ୍ଦେଶକ ରାଜୀବ କେ. ଶର୍ମାଙ୍କ ଦ୍ୱାରା ଜାରି ଏକ ପତ୍ର ଅନୁସାରେ, ଅମରନାଥ ଯାତ୍ରା ପାଇଁ ମାତୃତ୍ୱ ଅବକାଶ ଏବଂ ଚିକିତ୍ସା ଆଧାରରେ ମଞ୍ଜୁର ଅବକାଶକୁ ଛାଡ଼ି ଡାକ୍ତର ଓ ପାରାମେଡିକାଲ୍ ଷ୍ଟାଫ୍ଙ୍କର ଜୁନ୍ ୧୯ରୁ ସମସ୍ତ ପ୍ରକାର ଛୁଟିକୁ ରଦ୍ଦ କରି ଦିଆଯାଇଛି।
