ଜଗତସିଂହପୁର : ଦିନକୁ ଦିନ ତେଜୁଛି ଚାଷୀ ଆନ୍ଦୋଳନ ର କେତେବେଳେ ଜଳ ସେଚନ ପାଇଁ ସମସ୍ୟା ତ କେତେବେଳେ ମଣ୍ଡି ଜନିତ ସମସ୍ୟା ଯାହାକୁ ନେଇ ବିଭିନ୍ନ ସମୟରେ ରାଜରାସ୍ତା କୁ ଓହ୍ଲାଇଛନ୍ତି ଚାଷୀ । ସରକାରଙ୍କ ପକ୍ଷରୁ ଚାଷୀ ମାନଙ୍କ ନିମନ୍ତେ ବିଭିନ୍ନ ପ୍ରକାର ସୁବିଧା ସହଯୋଗ ଓ ଯୋଜନାର ବ୍ୟବସ୍ଥା କରାଯାଇ ଥିବା ବେଳେ ଏହାକୁ କିଛି ଅସାଧୁ ପ୍ରଶାସନିକ ଅଧିକାରୀ ମାନେ ଏହା ଚାଷୀ ମାନଙ୍କ ପାଖରେ ପହଞ୍ଚେଇବା ବଦଳରେ ଆତ୍ମସାତ କରୁଥିବା ଦେଖାଯାଉଛି । ଯାହାକୁ ନେଇ ଆଜି ରଘୁନାଥପୁର ବ୍ଲକର ରାଢ଼ଙ୍ଗ ପଞ୍ଚାୟତର ଶତାଧିକ ଚାଷୀ ଜିଲ୍ଲାପାଳଙ୍କ ଦ୍ୱାରସ୍ତ ହେବା ସହିତ ନିଜ ର ଦାବୀ ଉପସ୍ଥାପନା କରିଛନ୍ତି । ମୁଖ୍ୟତଃ ଗତ ଲଘୁଚାପ ଜନିତ ବର୍ଷା ରେ ତିନି ସହରୁ ଉର୍ଦ୍ଧ ହେକ୍ଟର ଚାଷ ଜମି ଜଳ ମଗ୍ନ ହୋଇ ଲକ୍ଷାଧିକ ଟଙ୍କା ର କ୍ଷତି ସହିଥିବା ବେଳେ ପ୍ରଶାସନର ନଜର ଏହା ଉପରେ ପଡୁନାହିଁ । ଏହାର ସ୍ଥାୟୀ ପ୍ରତିକାର ନକରିବା ଫଳରେ ଲଗାତାର ଆଠ ବର୍ଷ ଧରି ଏଭଳି କ୍ଷତି ସହୁଥିବା ନେଇ ଅଭିଯୋଗ ଆଣିଛି ଚାଷୀ । ତେବେ ଏହି ସବୁ ସମସ୍ୟା ସମାଧାନ କରିବା ନିମନ୍ତେ ଆଜି ରାଢ଼ଙ୍ଗ ପଞ୍ଚାୟତର ଶତାଧିକ ଚାଷୀ ମାନେ ଏକ ଦାବୀପତ୍ର ଜିଲ୍ଲାପାଳକୁ ପ୍ରଦାନ କରିଵା ସହିତ ଜିଲ୍ଲାପାଳଙ୍କ କାର୍ୟ୍ୟଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି । ଯଦି ଏହି ଦାବୀ ଗୁଡିକ ଶୀଘ୍ର ପୂରଣ ନକରାଯାଏ ଆଗାମୀ ଦିନରେ ଚାଷୀ ମାନେ ଜିଲ୍ଲାପାଳଙ୍କ କାର୍ୟାଳୟ ସମ୍ମୁଖରେ ଆମରଣ ଅନଶନ ବସି ରହିବେ ବୋଲି ଚେତାବନୀ ଦେଇଛନ୍ତି ।
