ଭୁବନେଶ୍ୱର : ଜଳୁଛି ଭୁବନେଶ୍ୱର । ୪୦ ଡିଗ୍ରୀ ପାର୍ କଲା ପାରଦ । ଦିନ ୨ଟା ୩୦ ସୁଦ୍ଧା ୪୨ଂ ତାତିରେ ଜଳୁଛି ଭୁବନେଶ୍ୱର । ଗତକାଲି ଅପେକ୍ଷା ଆଜି ଆହୁରି ବଢିଛି ତାପମାତ୍ରା । ଗତକାଲି ରାଜଧାନୀ ତାପମାତ୍ରା ଥିଲା ୩୯.୮ ଡିଗ୍ରୀ। ୪୨.୨ ଡିଗ୍ରୀ ସହ ଝାରସୁଗୁଡ଼ା ସବୁଠୁ ଉତ୍ତପ୍ତ ସହର ପାଲଟିଛି। ସମ୍ବଲପୁରରେ ୪୧.୪, ହୀରାକୁଦରେ ୪୦.୬, ଚାନ୍ଦବାଲିରେ ତାପମାତ୍ରା ୪୦ଡିଗ୍ରୀ ରେକର୍ଡ କରାଯାଇଛି। ଲଗାତାର ୭ଦିନ ଧରି ଭୁବନେଶ୍ୱରର ସର୍ବୋଚ୍ଚ ତାପମାତ୍ରା ୩୮ଡିଗ୍ରୀ ବା ତାଠାରୁ ଅଧିକ ରହିପାରେ ବୋଲି ଆକଳନ କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ଭୁବନେଶ୍ୱର। ଦିନବେଳା ପ୍ରବଳ ତାତି ଅନୁଭୂତ ହେବା ସହିତ ସନ୍ଧ୍ୟା ସମୟରେ କାଳ ବୈଖାଶୀର ସମ୍ଭାବନା ରହିିଥିବା ପାଣିପାଗ ବିଭାଗ ପୂର୍ବାନୁମାନ କରିଛି ।
ଆଜି ଦିନ ୨ ଟା ୩୦ ସୁଦ୍ଧା ରେକର୍ଡ ତାପମାତ୍ରା
— Meteorological Centre, Bhubaneswar (@mcbbsr) May 23, 2023
ଝାରସୁଗୁଡା: ୪୨.୨ ଡ଼ିଗ୍ରୀ
ଭୁବନେଶ୍ୱର: ୪୨ ଡ଼ିଗ୍ରୀ
ସମ୍ବଲପୁର: ୪୧.୪ ଡ଼ିଗ୍ରୀ
ହୀରାକୁଦ: ୪୦.୬ ଡ଼ିଗ୍ରୀ
ଚାନ୍ଦବାଲି: ୪୦ ଡ଼ିଗ୍ରୀ
ବାଲେଶ୍ୱର: ୩୮.୪ ଡ଼ିଗ୍ରୀ
କେନ୍ଦୁଝର: ୩୭.୪ ଡ଼ିଗ୍ରୀ
ପୁରୀ: ୩୫.୨ ଡ଼ିଗ୍ରୀ
ଗୋପାଳପୁର: ୩୪.୮ ଡ଼ିଗ୍ରୀ
ପାରାଦ୍ୱୀପ: ୩୩.୪ ଡ଼ିଗ୍ରୀ
