କଟକ (ଅମୂଲ୍ୟ କୁମାର ବାରିକ): ଜମି ପାଇବା ଲୋଭରେ ବଡ ଭାଇ ଅଶୋକ ବାରିକକୁ ମଝିଆ ଭାଇ, ସାନ ଭାଇ , ଭାଇବୋହୂ ଏବଂ ପୁତୁରା ମିଶି କଟୁରିରେ ବେକକୁ କାଟି ହତ୍ୟା କରିବା ଘଟଣାରେ କମିଶନରେଟ୍ ପୋଲିସ ତିନି ଜଣଙ୍କୁ ଗିରଫ କରିଥିଲା ବେଳେ ଘଟଣାର ମୁଖ୍ୟ ସୂତ୍ରଧର ମଝିଆ ଭାଇ ପ୍ରକାଶ ବାରିକ ଫେରାର ଅଛି । ଗିରଫ ଅଭିଯୁକ୍ତମାନେ ହେଲେ ବାଦାମବାଡ଼ି ଶଙ୍କରପୁର ଉପର ସାହିର ଅଶୋକର ସାନ ଭାଇ ଉମେଶ ବିରିକ, ଭାଇ ବୋହୂ ସରସ୍ଵତୀ ବାରିକ, ପୁତୁରା ସ୍ଵୟଂପ୍ରଭୁ ଶ୍ରୀଚରଣ କୁ ଗିରଫ କରି କୋର୍ଟ ଚାଲାଣ କରିଛି । ସଂପୃକ୍ତ ଅଭିଯୁକ୍ତ ମାନ ୧୭ ତାରିଖ ଦିନ ରାତିରେ ବକ୍ସିବଜାର ସିଡିଏ ପେରିଫେରି ମାର୍କେଟ ନିକଟରେ ଅଶୋକ ଶୋଇଥିବା ଅବସ୍ଥାରେ ହତ୍ୟା କରି ପଳାଇ ଆସିଥିଲେ । ପୋଲିସ ଘଟଣାର ତଦନ୍ତକରି ସିସିଟିଭି ଫୁଟେଜ ମାଧ୍ୟମ ରେ ସଂପୃକ୍ତ ଅଭିଯୁକ୍ତ ମାନଙ୍କୁ ଧରି ମାଜିଷ୍ଟ୍ରେଟ ଙ୍କ ନିକଟରେ ହାଜର କରିଛି ।
