ଉତ୍ତରାଖଣ୍ଡ : ଉତ୍ତରାଖଣ୍ଡର ଆଲମୋରାରେ ଭୟଙ୍କର ବସ ଦୁର୍ଘଟଣା । ଘାଟି ରାସ୍ତାରେ ତଳକୁ ଖସିଗଲା ବସ । ୭ ଜଣଙ୍କର ଜୀବନ ଯାଇଥିବା ସୂଚନା ରହିଛି । ୧୫ରୁ ଅଧିକ ଆହତ ହୋଇଥିବା ବେଳେ ସେମାନଙ୍କୁ ଭିକିୟାସୈନ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନାନୁଯାୟୀ, ବସଟି ଭିକିୟାସେନରୁ ରାମନଗର ମୁଖେ ଯାତ୍ରା କରୁଥିଲା । ସେହି ସମୟରେ ଭିକିୟାସେନ ବିନାୟକ ଜଲାଲି ମୋଟର ରୋଡର ଶିଳାପାଣି ନିକଟରେ ଏହି ଦୁର୍ଘଟଣାଟି ଘଟିଥିଲା । ଯାହା ପ୍ରାୟ ସକାଳ ୬ଟାରେ ଦେଖିବାକୁ ମିଳିଥିଲା । ବସଟି ଦ୍ବାରହାଟରୁ ନିୟନ୍ତ୍ରଣ ହରାଇ ଗଭୀର ଖାଇରେ ପଡ଼ିଯାଇଥିଲା । ଏହି ଦୁର୍ଘଟଣାରେ ୬ ରୁ ୭ ଜଣଙ୍କର ମୃତ୍ୟୁ ହୋଇଥିବା ଆଶଙ୍କା କରାଯାଉଛି । ଅନେକ ଗୁରୁତର ଆହତ ହୋଇଛନ୍ତି ଏବଂ ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ମୃତକ ଏବଂ ଆହତଙ୍କ ସଂଖ୍ୟା ସମ୍ପର୍କରେ ସରକାରୀ ନିଶ୍ଚିତକରଣ ପାଇଁ ବର୍ତ୍ତମାନ ଅପେକ୍ଷା କରାଯାଇଛି । ଏହାରି ମଧ୍ୟରେ ବିପର୍ୟ୍ୟୟ ଅଧିକାରୀ ବିନୀତ ପାଲ କହିଛନ୍ତି ଯେ ଉଦ୍ଧାର କାର୍ୟ୍ୟ ତ୍ୱରାନ୍ୱିତ କରାଯାଉଛି ଏବଂ ଆହତମାନଙ୍କୁ ତୁରନ୍ତ ଚିକିତ୍ସା ଯୋଗାଇ ଦିଆଯାଉଛି ।
