ପାଟଣା : ଯୁବକଙ୍କ ମୃତଦେହ ଉଦ୍ଧାର । ଘର ପଛ ପଟ ଗଛରୁ ଯୁବକଙ୍କ ମୃତଦେହ ମିଳିଛି । ସୂଚନା ଅନୁଯାୟୀ, ଏପରି ଘଟଣା ଘଟିଛି କେନ୍ଦୁଝର ଜିଲ୍ଲା ପାଟଣା ଥାନା ସାନଜାମୁପଶି ଗାଁରେ । ମୃତକଙ୍କ ନାମ ରାଜକିଶୋର ମୁଣ୍ଡା ବୋଲି ଜଣାପଡିଛି । ବୁଧବାର ସକାଳ ସମୟରେ ଘରର ପଛପଟେ ଥିବା ଏକ ଗଛରେ ରାଜକିଶୋରଙ୍କ ମୃତଦେହ ଝୁଲୁଥିବାର ଦେଖିବାକୁ ମିଳିଥିଲା । ଏହାପରେ ତୁରନ୍ତ ପରିବାର ଲୋକେ ପୋଲିସକୁ ଖବର ଦେଇଥିଲେ । ଖବର ପାଇ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।ତେବେ ରାଜକିଶୋର ଆତ୍ମହତ୍ୟା କରିଛନ୍ତି ନା ମୃତ୍ୟୁ ପଛରେ ଅନ୍ୟ କୌଣସି କାରଣ , ସେନେଇ ଛାନ୍ଭିନ୍ ଚାଲିଛି । ଯଦି ରାଜକିଶୋର ଆତ୍ମହତ୍ୟା କରିଛନ୍ତି । ତେବେ ଏହି ଆତ୍ମହତ୍ୟାର କାରଣ ଖୋଜୁଛି ପୋଲିସ ।
ଏପିରିକି ଘଟଣାର ତଦନ୍ତ ପାଇଁ ଆବଶ୍ୟକ ହେଲେ ପୋଲିସ, ସାଇଣ୍ଟିଫିକ୍ ଟିମ୍ ସହଯୋଗ ନେବାର ସୂଚନା ମିଳିଛି । ଏପିରିକି କେହି କେହି ପାରିବାରିକ କଳହକୁ ନେଇ ଆତ୍ମହତ୍ୟା କରିଥିବା ସନ୍ଦେହ କରୁଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।
