କଟକ : ଦୁଲୁକିଲା ବାଲିଯାତ୍ରା ପଡିଆ । ନାଚି ଉଠିଲେ ଦର୍ଶକ । ପିଲାଠୁ ବୟସ୍କ ସମସ୍ତଙ୍କ ମନ ମୋହିଲେ ବଲିଉଡର ଲୋକପ୍ରିୟ ପ୍ରସିଦ୍ଧ କଣ୍ଠଶିଳ୍ପୀ ସୋନୁ ନିଗମ । ବାଲିଯାତ୍ରା ତଳ ପଡିଆ ପାଲଟିଥିଲା ଜନ ସମୁଦ୍ର । ସୋନୁଙ୍କ ଗୀତରେ ଝୁମି ଉଠିଥିଲେ ଦର୍ଶକ । ବୈଷ୍ଣବ ପାଣଇ ମଞ୍ଚରେ ଦର୍ଶକଙ୍କ ଖଚାଖଚ ଭିଡ ଓ ତାଳିମାଡରେ ମଞ୍ଚ ଦୁଲୁକିଥିଲା । ଓଡିଆ ଭଜନ ସହ ଫଇଲ୍ମ ଗୀତରେ ଦର୍ଶକଙ୍କୁ ଝୁମେଇ ଥିଲେ ସୋନୁ ।
ଅନ୍ୟପଟେ କଟକ ଐତିହାସିକ ବାଲିଯାତ୍ରାର ଅବଧିକୁ ଦିନକ ପାଇଁ ବଢାଇଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ଲୋକଙ୍କ ଆଗ୍ରହ ଓ ଉତ୍ସାହକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ଏହି ନିଷ୍ପତ୍ତି ନେଇଛନ୍ତି । ନଭେମ୍ବର ୧୫ ପୂର୍ଣ୍ଣିମା ଠାରୁ ୮ ଦିନ ପର୍ଯ୍ୟନ୍ତ ଆୟୋଜିତ ଏହି ମହୋତ୍ସବ ନବମ ଦିବସରେ ଉଦଯାପନ ହେବ ।
