ନୂଆଦିଲ୍ଲୀ : ଗୃହମନ୍ତ୍ରୀ ଅମିତ ଶାହାଙ୍କ ନକଲି ଭିଡିଓ ମାମଲା । ତେଲେଙ୍ଗାନା ମୁଖ୍ୟମନ୍ତ୍ରୀ ରେଭନ୍ତ ରେଡ୍ଡୀଙ୍କୁ ଦିଲ୍ଲୀ ପୋଲିସର ସମନ । ସୋସିଆଲ ମିଡିଆରେ ଭାଇରାଲ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ନକଲି ଭିଡିଓ ମାମଲାରେ ସୋମବାର ଦିଲ୍ଲୀ ପୋଲିସ ରେଭନ୍ତ ରେଡ୍ଡୀଙ୍କୁ ସମନ ଜାରି କରିଛି । ସୂଚନା ମୁତାବକ ଦିଲ୍ଲୀ ପୋଲିସ ସିଏମ ରେଡ୍ଡୀଙ୍କୁ ସେ ବ୍ୟବହାର କରୁଥିବା ସମସ୍ତ ଇଲେ କ୍ଟ୍ରୋନିକ ଗ୍ୟାଜେଟ ସହିତ ପଚରାଉଚରା କରିବ । ମେ ୧ ରେ ତାଙ୍କୁ ହାଜର ହେବା ପାଇଁ କୁହାଯାଇଛି । ଏହା ସହ ଏହି ନକଲି ଭିଡିଓ ସେୟାର କରିଥିବା କଂଗ୍ରେସର କିଛି ନେତାଙ୍କ ସମେତ ଆଉ ୫ ଜଚ୍ଚଙ୍କୁ ପୋଲିସ ତଲବ କରିବ । ସୂଚନାଯୋଗ୍ୟ ଯେ ଗୃହ ମନ୍ତ୍ରାଳୟ ଏବଂ ବିଜେପିର ଅଭିଯୋଗ ପରେ ଗୋଟିଏ ଦିନ ପୂର୍ବରୁ ଦିଲ୍ଲୀ ପୋଲିସ ଏ ସମ୍ବନ୍ଧରେ ମାମଲା ରୁଜୁ କରିଥିଲା ।
