କରୋନା କବଳରେ ସାରା ବିଶ୍ୱ । ପୂରା ଦୁନିଆକୁ କଲବଲ କଲାଣି ଏହି ମହାମାରୀ । ତେବେ ଏଥିରୁ ବାଦ ପଡିନାହାନ୍ତି ଜଣାଶୁଣା ଅଭିନେତା, ଅଭିନେତ୍ରୀ ତଥା ରାଜ ନେତା । ଏବେ ଏହି ଲିଷ୍ଟର ସାମିଲ ହୋଇଛନ୍ତି ବଲିଉଡର ସ୍ୱର ସାମ୍ରାଜ୍ଞୀ ଲତା ମଙ୍ଗେସକର ।
ତାଙ୍କ ଠାରେ କୋଭିଡ ଥିବା ସ୍ପଷ୍ଟ ହୋଇଛି । ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ବ୍ରିଚ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଛି । ପରିବାରର ଜଣେ ସଦସ୍ୟ କହିଛନ୍ତି ତାଙ୍କ ଠାରେ କୋଭିଡର ସାମାନ୍ୟ ଲକ୍ଷଣ ଅଛି । ତେବେ ତାଙ୍କର ବୟସ ଅଧିକ ଥିବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସେ ନିମୋନିଆରେ ବି ସଂକ୍ରମିତ ଅଛନ୍ତି । ୯୨ ବର୍ଷୀୟ ଲତା ମଙ୍ଗେସକରଙ୍କ ଭାଣିଜୀ ଏ ନେଇ ଗଣମାଧ୍ୟମଙ୍କୁ ସୂଚନା ଦେଇଛନ୍ତି ।
