ଗାଧୁଆ ଘରୁ ମିଳିଲା ଝୁଲନ୍ତା ମୃତଦେହ : ପିନ୍ଧା ଗାମୁଛାରେ ଝୁଲିପଡିଲେ ଯୁବକ

ଢେଙ୍କାନାଳ : ଗାଧୁଆ ଘରୁ ଝୁଲନ୍ତା ମୃତଦେହ ଠାବ । ଏପରି ଅଘଟଣ ଘଟିଛି ଢେଙ୍କାନାଳ ସହରର ଦକ୍ଷିଣକାଳୀ ଅଞ୍ଚଳରେ ।

ସୂଚନା ଅନୁଯାୟୀ, ମୃତକ ଦକ୍ଷିଣକାଳୀ ଅଞ୍ଚଳର ସୌମ୍ୟ ରଞ୍ଜନ ନାୟକ ବୋଲି ଜଣାପଡିଛି । ଗାଧୁଆଘରେ ସୌମ୍ୟ ପିନ୍ଧା ଗାମୁଛାରେ ଝୁଲୁଥିବାର ଦେଖିବାକୁ ପାଇଥିଲେ ପରିବାର ଲୋକେ । ତୁରନ୍ତ ପୋଲିସକୁ ଖବର ଦେଇଥିଲେ ପରିବାର ସଦସ୍ୟ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇଛି । ପାରିବରିକ କଳହରୁ ଗାଧୁଆ ଘରେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ମୃତ୍ୟୁ ପଛର କାରଣ କଣ ? ତେବେ ପୋଲିସ ଘଟଣାର ତଦନ୍ତ କରିବା ପରେ ହିଁ ସ୍ପଷ୍ଟ ହେବ ।