ନୂଆଦିଲ୍ଲୀ : ଗାଜାରେ ଇସ୍ରାଏଲର ଆକ୍ରମଣ ବନ୍ଦ ହେବାର କୌଣସି ସଙ୍କେତ ଦେଖାଯାଉନାହିଁ । ପୁଣି ଥରେ, ଗାଜାରେ ଇସ୍ରାଇଲ୍ ଦ୍ବାରା ଭୟଙ୍କର ବିମାନ ଆକ୍ରମଣ କରାଯାଇଛି । ନିକଟରେ ଇସ୍ରାଏଲ୍ ବିମାନ ଆକ୍ରମଣରେ ୧୦୦ ରୁ ଅଧିକ ପାଲେଷ୍ଟାଇନୀଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ୨୭ ଜଣ ଉତ୍ତର ଅଞ୍ଚଳର ଏକ ସ୍କୁଲରେ ଆଶ୍ରୟ ନେଇଥିଲେ । ପାଲେଷ୍ଟାଇନର ସ୍ବାସ୍ଥ୍ୟ ଅଧୀକାରୀମାନେ ଏହି ସୂଚନା ଦେଇଛନ୍ତି । ଏହି ସମୟରେ, ଇସ୍ରାଏଲୀ ସେନା ପୁଣିଥରେ କହିଛି ଯେ ତାର କାର୍ୟ୍ୟାନୁଷ୍ଠାନକୁ ତ୍ବରାନ୍ବିତ କରିଛି । ଇସ୍ରାଏଲର ସ୍ପଷ୍ଟ ଦ୍ରୁଷ୍ଟିକୋଣ ହେଉଛି ଯେ ଏପରି କାର୍ୟ୍ୟାନୁଷ୍ଠାନ ନେବାର ଉଦ୍ଦେଶ୍ୟ ହେଉଛି ହମାସ ଉପରେ ଚାପ ପକାଇବା ଏବଂ ତାକୁ ଗାଜାରୁ ବିତାଡିତ କରିବା । ଇସ୍ରାଏଲୀ ସେନାର ଆକ୍ରମଣ ସମ୍ପର୍କରେ ପାଲେଷ୍ଟାଇନ ସ୍ବାସ୍ଥ୍ୟ ମନ୍ତ୍ରଣାଳୟର ମୁଖପାତ୍ର ଜାହେର ଅଲ-ୱାହିଦି କହିଛନ୍ତି ଯେ ଗାଜାର ତୁଫାହରେ ଏକ ସ୍କୁଲରୁ ୧୪ ଜଣ ଶିଶୁ ଏବଂ ୫ ଜଣ ମହିଳାଙ୍କ ମୃତଦେହ ମିଳିଛି । ସେ ଏହା ମଧ୍ୟ କହିଛନ୍ତି ଯେ ୭୦ ଜଣ ଆହତଙ୍କ ମଧ୍ୟରୁ କିଛିଙ୍କ ଅବସ୍ଥା ଅତ୍ୟନ୍ତ ସଙ୍କଟାପନ୍ନ ଥିବାରୁ ମୃତ୍ୟୁ ସଂଖ୍ୟା ବ୍ରୁଦ୍ଧି ପାଇପାରେ ।
