ଭୁବନେଶ୍ୱର : ରାଜ୍ୟରେ ପୁଣି ବ୍ୟାପୁଛି କରୋନା । ଗତ ୨୪ ଘଣ୍ଟା ମଧ୍ୟରେ ୪ ହଜାର ୮୨୯ କରୋନା ପଜେଟିଭ୍ ଚିହ୍ନଟ । ଗତକାଲି କରୋନା ସଂକ୍ରମିତ ହୋଇଥିଲେ ୪ ହଜାର ୭୧୪ । ତେବେ ଖୋର୍ଦ୍ଧାରୁ ସର୍ବମୋଟ ୯୩୩ ନୂଆ କେସ୍ ଆସିଛି । ଯାହା ମୋଟ ଆକ୍ରାନ୍ତଙ୍କ ୩୪.୩୪ ପ୍ରତିଶତ । ଆକ୍ଟିଭ୍ କେସ୍ ରେଡ ଜୋନରେ ଖୋର୍ଦ୍ଧା ଥିବା ବେଳେ ୟେଲୋ ଜୋନକୁ ଆସିଲା କଟକ, ସୁନ୍ଦରଗଡ ଓ ସମ୍ବଲପୁର । ସେହିଭଳି ପଜିଟିଭିଟି ରେଡ ଜୋନରେ ଖୋର୍ଦ୍ଧା, ସମ୍ବଲପୁର ଓ ସୁନ୍ଦରଗଡ ରହିଛି । ୟେଲୋ ଜୋନରେ କଟକ ଓ ଝାରସୁଗୁଡା ରହିଛି ।
ସେହିପରି ରାଜ୍ୟରେ ଆକ୍ଟିଭ୍ କେସ୍ ରହିଛି ୧୬ହଜାର ୧୧୭ । ୮ଟି ଜିଲ୍ଲାରେ ୧୦୦ ଉପରେ ରହିଛି ସଂକ୍ରମଣ । ୨୪ ଘଣ୍ଟା ମଧ୍ୟରେ ୭୦ ହଜାର ୨୦୦ ଟେଷ୍ଟିଂ ହୋଇସାରିଛି । ରାଜ୍ୟରେ ୦ରୁ ୧୮ ବର୍ଷ ବୟସ୍କଙ୍କ ମଧ୍ୟରେ ୪୧୬ ଜଣ ସଂକ୍ରମିତ ହୋଇଛନ୍ତି । ରାଜ୍ୟରେ ସଂକ୍ରମଣ ସାଙ୍ଗକୁ ଆକ୍ଟିଭ୍ କେସ୍ ମଧ୍ୟ ବୃଦ୍ଧି ପାଉଛି । ଗତକାଲି ରାଜ୍ୟରେ ୧୧ ହଜାର ୬୬୩ ଆକ୍ଟିଭ୍ କେସ୍ ରହିଥିବା ବେଳେ ଆଜି ୧୬ ହଜାର ୧୧୭ ରହିଛି ।
