ଭୁବନେଶ୍ୱର : ଜିଲ୍ଲା ବୁଲିବେ ନବୀନ । ସଂଗଠନ ହେବ ଆହୁରି ସୁଦୃଢ । ନବୀନ ଜିଲ୍ଲା ବୁଲିଲେ ସଂଗଠନ ଆହୁରି ସୁଦୃଢ ହେବ ବୋଲି କହିଛନ୍ତି ବିଜେଡିର ବରିଷ୍ଠ ବିଧାୟିକା ତଥା ବିରୋଧୀ ଦଳ ମୁଖ୍ୟ ସଚେତିକା ପ୍ରମିଳା ମଲିକ । ନିକଟ ଭବିଷ୍ୟତରେ ନବୀନ ପଟ୍ଟନାୟକ ରାଜ୍ୟର ସମସ୍ତ ଜିଲ୍ଲା ବୁଲିବେ । ପ୍ରମିଳା ମଲିକ ଏ ନେଇ କହିଛନ୍ତି ଯେ ବିଜେଡି ରାଜ୍ୟର ଏକ ନମ୍ବର ଥିଲା , ଏକ ନମ୍ବର ହୋଇ ରହିବ । ବ୍ଲକ ଅଧ୍ୟକ୍ଷା ମାନଙ୍କୁ ହଟାଇବାକୁ ବିଜେପି ଚକ୍ରାନ୍ତ କରୁଛି । ବିଜେପିରେ ଏବେ ଅଧିକ ବିଶୃଙ୍ଖଳା । ତାଙ୍କ ଦଳରେ ପ୍ରବଳ ବିଭ୍ରାଟ ଥିବା ବେଳେ ସେମାନେ ଆମ ଦଳକୁ ଭାଙ୍ଗିବାକୁ କରୁଥିବା ଚକ୍ରାନ୍ତରେ ସଫଳ ହେବେନି ବୋଲି ଦୃଢୋକ୍ତି ପ୍ରକାଶ କରିଛନ୍ତି ।
