ଭୁବନେଶ୍ୱର : ଓଡିଶାରେ ପହଁଚିଲା ପୁଲିସ ଏସଆଇ ସ୍କାମର ମାଷ୍ଟରମାଇଣ୍ଡ ଶଙ୍କର ପୃଷ୍ଟି । ବିମାନରେ ନୂଆଦିଲ୍ଲୀରୁ ଭୁବନେଶ୍ୱର ଆଣିଲା କ୍ରାଇମବ୍ରାଞ୍ଚା ଏୟାରପୋର୍ଟରୁ କଟକ କ୍ରାଇମବ୍ରାଞ୍ଚ ହେଡ ଅଫିସ ଗଲା ଶଙ୍କର । ନେପାଳ ସୀମା ଉତ୍ତରାଖଣ୍ଡ ଅଞ୍ଚଳରୁ ଗିରଫ କରିଥିଲା କ୍ରାଇମବ୍ରାଞ୍ଚ । ପୁଲିସ ଏସଆଇ ସ୍କାମ ଜଣାପଡିବା ପରେ ଆତ୍ମଗୋପନ କରିଥିଲା ଶଙ୍କର ପୃଷ୍ଟି । ଦୁବାଇ ଯିବାକୁ ଯୋଜନା କରିବା ବେଳେ କ୍ରାଇମବ୍ରାଞ୍ଚ ଦ୍ୱାରା ଗିରଫ । ପଞ୍ଚସଫ୍ଟ ଟେକ୍ନୋଲୋଜିର ମାଲିକ ଗଞ୍ଜାମ ଜିଲ୍ଲାର ଶଙ୍କର ପୃଷ୍ଟି ।
ଭୁବନେଶ୍ୱରରେ ପହଁଚିବା ପରେ ଗିରଫ ଶଙ୍କର ପୃଷ୍ଟି ନିଜର ପ୍ରତିକ୍ରିୟା ଦେଇଛି । ମୁଁ ଲୁଚି ନଥିଲି , ଆଇନ ଅନୁଯାୟୀ ସମ୍ମୁଖୀନ ହେଉଥିଲି । ହାଇକୋର୍ଟରେ ଫାଇଲ କରାଯାଇଥିଲା , ସୁପ୍ରିମକୋର୍ଟରେ ଫାଇଲ କରିଥିଲି । ହାଇକୋର୍ଟଙ୍କୁ ଆଗୁଆ ଜାମିନ ମାଗିଥିଲି । ସମୟ ଦେଇଥିଲେ , ଗୋଟିଏ ମାସ ପରେ ଆସି ହାଜର ହୋଇଥାନ୍ତି । ପତ୍ନୀ ଦୀପ୍ତିମୟୀ ସାହୁଙ୍କ ନାଁରେ କୈାଣସି କେସ ନାହିଁ । କୋର୍ଟଙ୍କ ଉପରେ ସମ୍ପୁର୍ଣ୍ଣ ଭରଷା ରହିଛି ନ୍ୟାୟ ମିଳିବ । ୧୨୪ ଜଣ ଲୋକଙ୍କ ଜନ୍ମ କୁଣ୍ଡଳି ବାହାର କରନ୍ତୁ , କାହା ସହ ସମ୍ପର୍କ ନାହିଁ । ପୁଲିସ ଏସଆଇ ସ୍କାମର ମାଷ୍ଟରମାଇଣ୍ଡ ପ୍ରଶ୍ନକୁ ଏଡାଇ ଗଲେ ଶଙ୍କର ପୃଷ୍ଟି । ମାଷ୍ଟରମାଇଣ୍ଡ, ସମ୍ପୁର୍ଣ୍ଣ ମିଛ କଥା । ତାଙ୍କୁ ପଚରାଉଚୁରା କରି ଅନେକ ତଥ୍ୟ ହାସଲ କରିଛି କ୍ରାଇମବ୍ରାଞ୍ଚ । କିଛି ଡିଜିଟାଲ ପ୍ରମାଣ ମଧ୍ୟ ପାଇଥିବା ସୂଚନା ମିଳିଛି । ମାମଲାର ତଦନ୍ତ ପାଇଁ ସିବିଆଇକୁ ମୁଖ୍ୟମନ୍ତ୍ରୀ ସୁପାରିଶ କରିଛନ୍ତି । ଶଙ୍କରକୁ ମିଶାଇ ମୋଟ ୧୦ ଦଲାଲ ଗିରଫ ହୋଇଛନ୍ତି ।
