ଜୟପୁର : ଏକ ଘରୋଇ କୋଚିଂ ସେଣ୍ଟରରେ ବିଷାକ୍ତ ଗ୍ୟାସ ଲିକ । ୧୨ରୁ ଅଧିକ ଛାତ୍ରଛାତ୍ରୀ ଅସୁସ୍ଥ । ରାଜସ୍ଥାନର ଜୟପୁରର ଗୋପାଳପୁରରେ ଥିବା ଏକ ଘରୋଇ କୋଚିଂ ସେଣ୍ଟରରେ ଘଟିଛି ଅଘଟଣ । ଅସୁସ୍ଥଙ୍କ ମଧ୍ୟରୁ ୨ ଜଣ ଗୁରୁତର ଅଛନ୍ତି । ସେମାନଙ୍କୁ ଆଇସିୟୁରେ ଭର୍ତ୍ତି କରାଯାଇଛି । କ୍ଲାସ ଚାଲିଥିବା ବେଳେ ହଠାତ ପିଲା ନିଶ୍ୱାସ ପ୍ରଶ୍ୱାସ ନେବାରୁ ଅସୁବିଧା ହୋଇଥିଲା । ସେମାନଙ୍କ ମୁଣ୍ଡ ବିନ୍ଧା ହେବା ସହ ସେମାନେ ତଳେ ପଡିଯାଇଥିଲେ । ତେବେ ସ୍ୱରେଜ ଲାଇନରୁ ବିଷାକ୍ତ ଗ୍ୟାସର ଗନ୍ଧ କ୍ଲାସ ରୁମ ଭଇତରକୁ ପଶି ଆସିଥିଲା । ତୁରନ୍ତ ଆମ୍ବୁଲାନ୍ସ ଡକାଇ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଅସୁସ୍ଥଙ୍କ ମଧ୍ୟରେ ୧୦ ଜଣ ଛାତ୍ରୀ, ଜଣେ ଛାତ୍ର ଏବଂ ଜମେ ରୋଷେୟା ସାମିଲ ଅଛନ୍ତି । ପୋଲିସ ଅଧିକାରୀଙ୍କ କହିବା ଅନୁଯାୟୀ ନାଳରୁ ଆସୁଥିବା ଗନ୍ଧ କିମ୍ବା ଗ୍ୟାସ ଲିକ , ଛାତ ଉଫରେ ଥିବା ରୋଷେଇ ଘର ଧୂଆଁରୁ ଏପରି ହୋଇଛି ତାହା ଜଣାପଡିନାହିଁ ।
