ନୂଆଦିଲ୍ଲୀ : ଭାରତୀୟ କୁସ୍ତି ସଂଘ ନିର୍ବାଚନ ଉପରେ ରୋକ୍ ଲଗାଇଛନ୍ତି ଖେଳ ମନ୍ତ୍ରଣାଳୟ । ଆଗାମୀ ମାସରେ ହେବାକୁ ଥିବା ନିର୍ବାଚନ ଉପରେ ଆଜି ନିଷ୍ପତ୍ତି ନିଆଯାଇଛି । ରେସଲିଂ ଫେଡେରେସନ୍ ଅଫ୍ ଇଣ୍ଡିଆ ମୁଖ୍ୟ ବ୍ରିଜଭୂଷଣ ଶରଣ ସିଂ ଏବଂ ଅନ୍ୟ କୋଚ୍ ବିରୋଧରେ ଯୌନ ଶୋଷଣ ଅଭିଯୋଗ ଆସିବା ପରେ ଏଭଳି ନିଷ୍ପତ୍ତି ନିଆଯାଇଛି । ଏହି ଅଭିଯୋଗରେ ମହିଳା କୁସ୍ତିଯୋଦ୍ଧାମାନେ ଗତକାଲି ରାତିରୁ ଯନ୍ତରମନ୍ତର ନିକଟରେ ଧାରଣାରେ ବସିଛନ୍ତି । ଖେଳ ମନ୍ତ୍ରଣାଳୟ କହିଛି କି, ଭାରତୀୟ ଅଲମ୍ପିକ୍ସ ସଂଘ ଏକ ଆଡହକ୍ କମିଟି ଗଠନ କରିଛି। ଏହି କମିଟି ୪୫ ଦିନ ଭିତରେ କୁସ୍ତି ମହାସଂଘର ନିର୍ବାଚନ କରିବ । ଏହି କମିଟି ଖେଳାଳିଙ୍କ ଚୟନ ମଧ୍ୟ କରିବ ଏବଂ ଫେଡେରେସନର ପ୍ରତିଦିନର କାର୍ୟ୍ୟ ମଧ୍ୟ ତଦାରଖ କରିବ । ସୂଚନାଯୋଗ୍ୟ, ଏହାର ୩ ମାସ ପୂର୍ବରୁ ମଧ୍ୟ ସେମାନେ ସେଠାରେ ପ୍ରତିବାଦ ପ୍ରଦର୍ଶନ କରିଥିଲେ। କିନ୍ତୁ ଜଣେ ନେତା ତାଙ୍କୁ ଆସନ ଛାଡିବାକୁ ଅନୁରୋଧ କରିଥିଲେ।
