ଭୁବନେଶ୍ୱର : କ୍ୟାମେରାମ୍ୟାନ ମାନସ ସ୍ୱାଇଁ ହତ୍ୟାକାଣ୍ଡ ଘଟଣାରେ କ୍ରାଇମବ୍ରାଞ୍ଚର ତନାଘନା । କ୍ରାଇମବ୍ରାଞ୍ଚର ଅପହରଣ ସ୍ପଟ୍ ପରେ ଏବେ ସ୍କାନରରେ ମର୍ଡର ସ୍ପଟ୍ । ତଦନ୍ତକାରୀ ଟିମ୍ ରବିବାର ଦୟାଲ ଆଶ୍ରମରେ ଛାନଭିନ୍ କରିବ ।
ସୂଚନା ଅନୁଯାୟୀ, କ୍ୟାମେରାମ୍ୟାନ୍ ମାନସ ସ୍ୱାଇଁଙ୍କୁ କେମିତି ହତ୍ୟା କରାଯାଇଥିଲା ସେନେଇ ତଦନ୍ତ ପାଇଁ ଦୟାଲ ଆଶ୍ରମରେ କ୍ରାଇମବ୍ରାଞ୍ଚ ଟିମ୍ ପହଞ୍ଚିଛନ୍ତି। ଯେଉଁ ରୁମରେ ମାନସଙ୍କୁ ମାଡ ମରାଯାଇଥିଲା ଏବଂ ହତ୍ୟା କରାଯାଇଥିଲା ସେଠାରେ ଛାନଭିନ୍ କରିବ ତଦନ୍ତକାରୀ ଟିମ୍ । ମଡର୍ ପରେ ମୃତଦେହକୁ କିଭଳି କାର ପର୍ଯ୍ୟନ୍ତ ପହଞ୍ଚାଇଥିଲେ ହତ୍ୟାକାରୀ । ମାନସ ମୃତଦେହକୁ କାର୍ ପର୍ଯ୍ୟନ୍ତ କେମିତି ନେଇଥିଲେ ଶର୍ମିଷ୍ଠା ଏବଂ କୋ । ତେବେ ସେଠାରୁ କେଉଁ ରାସ୍ତା ଦେଇ ମୃତଦେହକୁ ରଣପୁର ଜଙ୍ଗଲ ନେଇଥିଲେ ଏବଂ ପୋତିଥିଲେ ତାର ମଧ୍ୟ ଥ୍ରିଡି ଫୋରେନସିକ୍ ଯାଞ୍ଚ କରିବ କ୍ରାଇମବ୍ରାଞ୍ଚ ଟିମ୍ । ଏନେଇ ନିଜେ କ୍ରାଇମବ୍ରାଞ୍ଚ ନିର୍ଦ୍ଦେଶକ ସ୍ପଟ୍ ଭିଜିଟ୍ କରିବାର କାର୍ଯ୍ୟକ୍ରମ ରହିଛି । ସେପଟେ ଶର୍ମିଷ୍ଠାକୁ ଖୋଜିବା ପାଇଁ ରାଜ୍ୟ ବାହାରେ ଡେରା ପକାଇଛି ପୋଲିସ ଟିମ୍ । ତେବେ କେବଳ ଶର୍ମିଷ୍ଠା ନୁହଁନ୍ତି ଝୁନା ଭୋଇର ମଧ୍ୟ ପତ୍ତା ପାଉନି ପୋଲିସ । ଶର୍ମିଷ୍ଠା ଧରାପଡିବା ପରେ ନିରଞ୍ଜନ ଓ ଶର୍ମିଷ୍ଠାଙ୍କୁ ରିମାଣ୍ଡରେ ଆଣିବାକୁ ଯୋଜନା କରିଛି କ୍ରାଇମବ୍ରାଞ୍ଚ ବୋଲି ସୂଚନା ମିଳିଛି ।
