ଉମରକୋଟ (ବିଶ୍ଵଜିତ ମଲ୍ଲିକ) : ଏବେବି ଆଧୁନିକ ସମାଜରେ ବାପା ମା ଝିଅ ଅପେକ୍ଷା ପୁଅକୁ ଅଧିକ ଗୁରୁତ୍ବ ଦେଇଥାନ୍ତି। ଏପରିକି କିଛି ଦମ୍ପତି ଝିଅ ଗର୍ଭରେ ଅଛି ବୋଲି ଜାଣିବା ମାତ୍ରେ ଭ୍ରୁଣ ହତ୍ୟା କରି ଦେଇଥାଆନ୍ତି। କିନ୍ତୁ ଏହି ସମାଜରେ ଏପରି ବି ଦମ୍ପତି ଅଛନ୍ତି ଯେ ଝିଅଟି ଜନ୍ମ ହେବା ପରେ ତାକୁ ବିରାଟ ବଡ ଆଡମ୍ବରରେ ଘରକୁ ନେଇ ଯାଇଛନ୍ତି।
ହସ୍ପିଟାଲରୁ ଝିଅକୁ ନେବା ବେଳେ ବର ବାହା ହେବା ବେଳେ ଯେମିତି କାରକୁ ସଜ୍ଜା ହେଇଥାଏ ଠିକ ସେପରି ନିଆଯାଇଥିଲା। ଏପରି ଏକ ବିରଳ ଦୃଶ୍ୟ ଦେଖିବାକୁ ମିଳିଥିଲା ଉମରକୋଟ ଉପଖଣ୍ଡ ହସ୍ପିଟାଲ ଠାରେ। ନବରଙ୍ଗପୁର ଜିଲ୍ଲାର ଉମରକୋଟ ସହରର ଡଙ୍ଗରିଗୁଡ଼ା ଗ୍ରାମର ପ୍ରଣୟ ବାଲ। ଓ ପିପି ପଲିଶ୍ରୀଙ୍କର ଉମରକୋଟ ହସ୍ପିଟାଲ ଠାରେ ଶନିବାର ଦିନ ଏକ ଝିଅଟି ଜନ୍ମ ହେଇଥିଲା।ଏହା ତାଙ୍କର ପ୍ରଥମ ସନ୍ତାନ ହୋଇଥିଲା। ଛୁଆଟିର ହସ୍ପିଟାଲରୁ ଡିସଚାର୍ଜ ହେ। ପରେ ଖୁସି ରେ ପରିବାର ଲୋକ ଗୋଟାଏ କାରକୁ ବର ଯିବା ପରି ସଜାଇ ଘରକୁ ନେଇ ଥିଲେ। ଏହା କନ୍ୟା ସନ୍ତାନର ଜନ୍ମକୁ ନେଇ ଯେଉଁ ମାନେ ଘୃଣା କରନ୍ତି ତାଙ୍କୁ ଏକ ପ୍ରକାର ଶିକ୍ଷା ବୋଲି ଆଲୋଚନା ହେଉଛି।
