ନୂଆଦିଲ୍ଲୀ : ବହୁ ପ୍ରସିଦ୍ଧ ତଥା ପଦ୍ମଶ୍ରୀ ପୁରସ୍କାର ସମ୍ମାନିତ କଥକଲି ନୃତ୍ୟଶିଳ୍ପୀ ମିଲେନା ସାଲଭିନିଙ୍କ ପରଲୋକ ହୋଇଛି । ମିଲେନା ଏହି ଦୁନିଆରୁ ଚିରଦିନ ପାଇଁ ବିଦାୟ ନେଇଛନ୍ତି । ଜାନୁଆରୀ ୨୬ ବୁଧବାର ତାଙ୍କ ଦେହାନ୍ତ ହୋଇଥିଲା । ତାଙ୍କ ମୃତ୍ୟୁ ଖବର ପାଇବା ପରେ ୟୁଜର୍ସମାନେ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛନ୍ତି । ଏହା ବ୍ୟତିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସହ ଉପରାଷ୍ଟ୍ରପତି ମଧ୍ୟ ତାଙ୍କୁ ମନେ କରି ଶ୍ରଦ୍ଧାଞ୍ଜଳୀର ଟ୍ବିଟ୍ ଦେଇ ଦୁଃଖ ପ୍ରକାଶ କରିଛନ୍ତି ।
ସେ ଇଟାଲୀରେ ଜନ୍ମଗ୍ରହଣ କରିଥିଲେ ମଧ୍ୟ ସେ ଫ୍ରାନ୍ସର ନାଗରିକ ଥିଲେ । ସେ ଅଭିନୟ କ୍ଷେତ୍ରରେ ତାଙ୍କର ବହୁତ ବଡ ଅବଦାନ ପାଇଁ ଭାରତ ସରକାର ତାଙ୍କୁ ୨୦୧୯ରେ ପଦ୍ମଶ୍ରୀ ସମ୍ମାନରେ ସମ୍ମାନିତ କରିଥିଲେ। ନେତା ସମେତ ବହୁ ବଡ ବଡ କଳାକାର ମାନେ ମଧ୍ୟ ମୃତ୍ୟୁ ଖବର ପାଇ ଦୁଃଖ ପ୍ରକାଶ କରିଛନ୍ତି ।
