ଭୁବନେଶ୍ୱର : କଂଗ୍ରେସର ଅନାସ୍ଥା ନୋଟିସ ଅଗ୍ରାହ୍ୟ କଲେ ବାଚସ୍ପତି । ଗୃହରେ ଅଚଳାବସ୍ଥା ଯୋଗୁ ଅବଧି ସରିଛି ଜଣାଇଲେ । କଂଗ୍ରେସ ନେତା ରାଜ୍ୟ ସରକାରଙ୍କ ବିରୋଧରେ ଯେଉଁ ଅନାସ୍ଥା ପ୍ରସ୍ତାବ ପାଇଁ ଚିଠି ଲେଖିଥିଲେ, ତାକୁ ବାଚସ୍ପତି ଗ୍ରହଣ କରିନାହାନ୍ତି । ଯାହାପରେ ସୋମବାର ୪ଟାରେ ଗୃହକାର୍ୟ୍ୟ ଆରମ୍ଭ ହେବାପରେ ଗୃହର ମଧ୍ୟଭାଗକୁ ଆସି ହଟ୍ଟଗୋଳ କରିଛନ୍ତି କଂଗ୍ରେସ ବିଧାୟକ । ଏହାସହ କଂଗ୍ରେସ ଅଭିଯୋଗ କରିଛି ଯେ, ବିଧାନସଭାରେ ଏହି ଏକ ଷଡଯନ୍ତ୍ର । ତେବେ କଂଗ୍ରେସର ଅନାସ୍ଥା ପ୍ରସ୍ତାବ ଗ୍ରହଣ ନହେବା ପରେ କଂଗ୍ରେସ ନେତାମାନେ ବିଧାନସଭାରେ ନିଜର ଅସନ୍ତୋଷ ଜାହିର କରିଛନ୍ତି । କଂଗ୍ରେସ ବିଧାୟକମାନେ ଗୃହତ୍ୟାଗ କରିବା ସହିତ ପ୍ରତିବାଦ କରିଛନ୍ତି ।
