ବ୍ରହ୍ମପୁର : ବ୍ରହ୍ମପୁର ଏମକେସିଜ ମେଡିକାଲ କଲେଜର ୪ ଜଣ ଡାକ୍ତରଙ୍କୁ ଚାକିରିରୁ ବହିଷ୍କାର କରାଯାଇଛି। ଜଣେ ପିଜି ଛାତ୍ରଙ୍କୁ ମାଡ଼ ଘଟଣାରେ ଏହି କଡ଼ା କାର୍ୟ୍ୟାନୁଷ୍ଠାନ ନେଇଛନ୍ତି କର୍ତ୍ତୃପକ୍ଷ। ଚାକିରିରୁ ବହିଷ୍କୃତ ହୋଇଥିବା ୪ ଡାକ୍ତରଙ୍କ ମଧ୍ୟରେ ଅଛନ୍ତି ଜଣେ ସହକାରୀ ପ୍ରଫେସର ଓ ୩ ଜଣ ସିନିୟର ରେସିଡେଣ୍ଟ ଡାକ୍ତର। ଜଣେ ପିଜି ଛାତ୍ରଙ୍କୁ ୬ ମାସ ହଷ୍ଟେଲ ଆସିବାକୁ ମଧ୍ୟ ମନା କରାଯାଇଛି। ଗତ ୨୦ ତାରିଖରେ ୩ ନମ୍ବର ହଷ୍ଟେଲରେ ଏହି ଗଣ୍ଡଗୋଳ ହୋଇଥିଲା। ଶିଶୁ ବିଭାଗର ଜଣେ ପିଜି ଛାତ୍ରଙ୍କୁ ମାଡ଼ ମରାଯାଇଥିବାର ଅଭିଯୋଗ ହୋଇଥିଲା। ତେଣୁ ଏହି କଡ଼ା କାର୍ୟ୍ୟାନୁଷ୍ଠାନ ନିଆଯାଇଥିବାର ସୂଚନା ଦେଇଛନ୍ତି ଡିନ୍ ସୁଚିତ୍ରା ଦାଶ।
