ବ୍ୟୁରୋ : ଆଇପିଏଲ ଆରମ୍ଭ ହେବାକୁ ଆଉ ୧୦ ଦିନ ବାକି ଅଛି । ପ୍ରାୟ ଦୁଇମାସ ଧରି ଚାଲି ବାକୁଥିବା ଦୁନିଆର ସବୁଠୁ ବଡ କ୍ରିକେଟ୍ ଲିଗରେ ପ୍ରତ୍ୟେକ ଥର ଭଳି, ଏଥର ମଧ୍ୟ ସମାନ ରୋମାଞ୍ଚ ଦେଖିବାକୁ ମିଳିବ । କୈାତୁହଳର ବିଷୟ ହେଉଛି ତିନି ବର୍ଷର ଦୀର୍ଘ ଅପେକ୍ଷା ପରେ ଦଳଗୁଡିକ ନିଜ ନିଜ ପଡ଼ିଆରେ ମ୍ୟାଚ୍ ଖେଳୁଥିବା ଦେଖିବାକୁ ମିଳିବ । ଆଇପିଏଲର ୧୫ ତମ ସିଜିନରୁ ଟ୍ରଫି ଖୋଜୁଥିବା ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଦଳ ମଧ୍ୟ ଏଥର ଟାଇଟଲ ଜିତିବାକୁ ଚେଷ୍ଟା କରିବ। ୨୦୨୩ ର ଆରସିବି ଦଳର ଏହି ୫ ଖେଳାଳି ଦଳକୁ ଆଇପିଏଲ୍ ଟ୍ରଫି ଜିତିବାରେ ସାହାଯ୍ୟ କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାକୁ ଯାଉଛନ୍ତି: –
ଆରସିବିର ଅଧିନାୟକ ଥିବା ଷ୍ଟାର ବ୍ୟାଟ୍ସମ୍ୟାନ୍ ବିରାଟ କୋହଲି ଆଶା ରଖିବେ ଯେ ଏହି ଆଇପିଏଲରେ ଭଲ ପ୍ରଦର୍ଶନ କରିବେ। ଦଳ ପାଇଁ ଖୁସିର ବିଷୟ ଯେ ବିରାଟଙ୍କ ବ୍ୟାଟ୍ ଫୁଲ ଫର୍ମରେ ରହିଥିବା ଜଣାପଡୁଛି । ୨୦୧୬ ପରି, ପ୍ରଶଂସକମାନେ ବିରାଟଙ୍କ ଠାରୁ ଆଶା କରିବେ । ୨୨୩ ଆଇପିଏଲ୍ ମ୍ୟାଚ୍ ରେ କୋହଲି ୬୬୨୪ ରନ୍ କରିଛନ୍ତି।
ଅଷ୍ଟ୍ରେଲିଆର ଅଲରାଉଣ୍ଡର ଗ୍ଲେନ୍ ମ୍ୟାକ୍ସୱେଲ ଯଦିଓ କିଛି ସମୟ ପାଇଁ ଆହତ ହୋଇଥିଲେ ମଧ୍ୟ ସେ ଆଇପିଏଲରେ ପ୍ରତ୍ୟାବର୍ତ୍ତନ କରିବାକୁ ଯାଉଛନ୍ତି। ତାଙ୍କ ଦମର ବ୍ୟାଟିଂ ଓ ବୋଲିଂ ପାଇଁ ସେ ସବୁବେଳେ ଫର୍ମରେ ରହିଥାନ୍ତି । । ଏଥର ମଧ୍ୟ ଦଳ ସମାନ ଆଶା ପାଇବ। ୧୧୦ ଆଇପିଏଲ୍ ମ୍ୟାଚ୍ ରେ ମ୍ୟାକ୍ସୱେଲ ୨୩୧୯ ରନ୍ କରିଛନ୍ତି ।
ଟିମ୍ ଇଣ୍ଡିଆର ଦ୍ରୁତ ବୋଲର ମହମ୍ମଦ ସିରାଜ ମଧ୍ୟ ଆରସିବି ପାଇଁ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା ଦେଖିବାକୁ ମିଳିବ। ଆରସିବି ପାଇଁ ଅଗ୍ରଣୀ ଦ୍ରୁତ ବୋଲରମାନଙ୍କ ମଧ୍ୟରୁ ସିରାଜ ଅନ୍ୟତମ। ୬୫ ଟି ଆଇପିଏଲ ମ୍ୟାଚରେ ସିରାଜ ୫୯ ୱିକେଟ୍ ନେଇଛନ୍ତି।
ଆଇପିଏଲ୍ ଇତିହାସରେ ସର୍ବାଧିକ ୱିକେଟ୍ ନେବା ଦୃଷ୍ଟିରୁ ହର୍ଷଲ ପଟେଲ ଚେନ୍ନାଇର ଡୱେନ ବ୍ରାଭୋଙ୍କ ସହ ସମାନ ହୋଇଛନ୍ତି । ଆଇପିଏଲ୍ ସିଜନରେ ତାଙ୍କର ସର୍ବାଧିକ ୩୨ ୱିକେଟ୍ ରହିଛି। ସେ ଆଇପିଏଲରେ ୭୮ ଟି ମ୍ୟାଚ୍ ଖେଳିଛନ୍ତି ଯେଉଁଥିରେ ତାଙ୍କର ୯୭ ୱିକେଟ୍ ରହିଛି। ଆରସିବି ପାଇଁ ଏହି ବୋଲରଙ୍କୁ ଯେକୈାଣସି ସମୟରେ ମ୍ୟାଚ୍ ଟର୍ନ କରିବାର ଶକ୍ତି ଅଛି ।
