ମୁମ୍ବାଇ : ଉଦ୍ଧବ ଥାକରେ ସୁପ୍ରିମକୋର୍ଟରେ ନିରାଶ । ଉଦ୍ଧବ ସ୍ୱେଚ୍ଛାରେ ଇସ୍ତଫା ଦେଇଥିବାରୁ କିଛି କରିପାରିବୁନି କହିଲେ କୋର୍ଟ । ଫ୍ଲୋର ଟେଷ୍ଟକୁ ଆସିନଥିବାରୁ କିଛି କରିହେବନି କହିଲେ କୋର୍ଟ । ସେ ନିଜେ ଇସ୍ତଫା ଦେଇଥିବାରୁ ଆଉ ତାଙ୍କୁ ମୁଖ୍ୟମନ୍ତ୍ରୀ କରି ହେବନି । ଦଳ ବଦଳ କରିଥିବା ୧୬ ବିଧାୟକଙ୍କ ପ୍ରତି ନିଷ୍ପତ୍ତି ନେଲେନି କୋର୍ଟ । ବିଧାନସଭା ବାଚସ୍ପତିଙ୍କ ଉପରେ ଏ ନେଇ ଦାୟିତ୍ୱ ନ୍ୟସ୍ତ କଲେ ।
ଦୀର୍ଘଦିନର ବ୍ୟବଧାନ ପରେ ମହାରାଷ୍ଟ୍ର ରାଜନୈତିକ ମାମଲାକୁ ନେଇ ସୁପ୍ରିମକୋର୍ଟ ରାୟ ଶୁଣାଇଛନ୍ତି । ମୁଖ୍ୟ ବିଚାରପତି ଜଷ୍ଟିସ ଡି.ୱାଇ ଚନ୍ଦ୍ରଚୁଡଙ୍କ ଅଧ୍ୟକ୍ଷତାରେ କୋର୍ଟର ୫ ଜଣ ସଦସ୍ୟତା ବାଲା ସାମ୍ବିଧାନିକ ପୀଠ ଗତ ବର୍ଷ ଏହି ମାମଲାକୁ ବଡ ବେଞ୍ଚକୁ ପଠାଇ ଦେଇଥିଲେ । କୋର୍ଟ କହିଥିଲେ କି ବାଚସ୍ପତିଙ୍କୁ ରାଜନୈତିକ ଦଳଙ୍କ ତରଫରୁ ନିଯୁକ୍ତ କରାଯାଇଥିବା ହ୍ୱିପକୁ ମାନ୍ୟତା ଦେବା ଆବଶ୍ୟକ । ଏହାସହ ବାଚସ୍ପତିଙ୍କୁ ହଟାଇବା ନୋଟିସ ବାଚସ୍ପତିଙ୍କ ଅଯୋଗ୍ୟତା ନୋଟିସ ଜାରି କରିବାର କ୍ଷମତାକୁ ସୀମିତ କରିବ କି ନାହିଁ, ସେ ପ୍ରସଙ୍ଗକୁ ଏକ ବୃହତ ଖଣ୍ଡପୀଠ ଯାଂଚ କରିବାର ଆବଶ୍ୟକତା ରହିଛି ।
