ଭୁବନେଶ୍ୱର : ଓଡ଼ିଶାରେ ଆଳୁ ଦର କମିବାର ନାଁ ନେଉନାହିଁ। ଉତ୍ତରପ୍ରଦେଶରୁ ଆଳୁ ଟ୍ରକ ଆସୁଥିଲେ ମଧ୍ୟ ଏହା ଯଥେଷ୍ଟ ହେଉନାହିଁ। ଏବେ ବି ବଜାରରେ ଆଳୁ ଦର ୪୦ ଉପରେ। କଳାବଜାରୀ ରୋକିବାକୁ ଯୋଗାଣ ବିଭାଗ ଚଢାଉ କରୁଛି। ଏହା ସତ୍ତେ୍ୱ ଆଳୁ ଦର ତଳକୁ ଖସିବାର ନାଁ ଧରୁନି । ଆଜି ଭୁବନେଶ୍ୱର ଆଇଗେଣିଆ ଗୋଦାମରେ ଚଢ଼ାଉ କରିଛି ଯୋଗାଣ ବିଭାଗ । ଚଢ଼ାଉ କରି ୫ ହୋଲସେଲରଙ୍କୁ ନୋଟିସ୍ କରିଛି ଯୋଗାଣ ବିଭାଗ । ଆନୁସଙ୍ଗିକ କାଗଜପତ୍ର ଦେଖାଇ ପାରି ନଥିବାରୁ ନୋଟିସ କରିଛି ଯୋଗାଣ ବିଭାଗ । ବୁଲି ବୁଲି ସବୁ ବ୍ୟବସାୟୀଙ୍କ ଦୋକାନ ଚେକ୍ କରୁଛନ୍ତି ଯୋଗାଣ ବିଭାଗ ର ୭ ଜଣିଆ ଟିମ୍ । ରେଡ୍ ସମୟରେ ଅନେକ ଆଳୁ ଟ୍ରକ୍ର ଚାଲାଣ ନଥିବା ଦେଖିବାକୁ ମିଳିଛି।
