ନୂଆଦିଲ୍ଲୀ : ଆମେରିକାରେ ବନ୍ୟାର ତାଣ୍ଡବ। ପାଣିର ପ୍ରଳୟ ପାଇଁ ଆମେରିକାରେ ହାହାକାର । ଭୀଷଣ ବନ୍ୟାରେ ଏଯାଏଁ ୪୩ ଜଣଙ୍କର ମୃତ୍ୟୁ ହୋଇଥିବାବେଳେ ଅନେକ ନିଖୋଜ ଅଛନ୍ତି । ମୃତକଙ୍କ ମଧ୍ୟରେ ଅନେକ ଛୋଟ ପିଲା ଅଛନ୍ତି । ମାସକର ବର୍ଷା କିଛି ମାତ୍ର ଘଣ୍ଟାରେ ହୋଇଛି । ଫଳରେ ଏଠାରେ ଭୟଙ୍କର ବନ୍ୟା ସ୍ଥିତି ସୃଷ୍ଟି ହୋଇଛି । ଗ୍ବାଡାଲୁପ୍ ନଦୀରେ ବନ୍ୟାଜଳ ବିପଦ ସଙ୍କେତ ଉପରେ ପ୍ରବାହିତ ହେଉଛି । ମାତ୍ର ୯୦ ମିନିଟରେ ଏହି ନଦୀର ଜଳ ୨୦- ଫୁଟ ଯାଏଁ ବୃଦ୍ଧି ହୋଇଗଲା । ଟେକ୍ସାସ ବନ୍ୟା ଯୋଗୁଁ ଏକ ସମର କ୍ୟାମ୍ପରୁ ଅନେକ ପିଲା ନିଖୋଜ ହୋଇଯାଇଛନ୍ତି । କେର୍ଭିଲ୍ କାଉଣ୍ଟିରେ ରାତିସାରା ୧୦ ଇଞ୍ଚରୁ ଅଧିକ ବର୍ଷା ହୋଇଥିଲା, ଯାହା ଫଳରେ ନଦୀର ଜଳସ୍ତର ହଠାତ୍ ବଢ଼ି ଯାଇଥିଲା । ଜାତୀୟ ପାଣିପାଗ ସେବା ଅନୁଯାୟୀ, ହଣ୍ଟ ନିକଟରେ ଗୁଆଡାଲୁପ୍ ନଦୀର ଜଳସ୍ତର ମାତ୍ର ୨ ଘଣ୍ଟା ମଧ୍ୟରେ ୨୨ ଫୁଟ ବୃଦ୍ଧି ପାଇଥିଲା । ଏଥି ସହ ଗଛ ଉପରୁ କିଛି ଲୋକଙ୍କୁ ଉଦ୍ଧାର କରାଯାଇଛି । ଡଙ୍ଗା ଏବଂ ହେଲିକପ୍ଟର ସାହାଯ୍ୟରେ ଉଦ୍ଧାର କାର୍ୟ୍ୟ ଜାରି ରହିଛି । ଟେକ୍ସାସର କେର କାଉଣ୍ଟିରେ ପ୍ରବଳ ବନ୍ୟା ପରେ ୮୦୦ ରୁ ଅଧିକ ଲୋକଙ୍କୁ ଉଦ୍ଧାର କରାଯାଇଛି ।
