ନୂଆଦିଲ୍ଲୀ : ଆମେରିକାରେ ଇସ୍ରାଏଲ ସମର୍ଥକଙ୍କୁ ଟାର୍ଗେଟ । କୋଲୋରାଡୋର ବୋଲ୍ଡର ସହରରେ ଇସ୍ରାଏଲ ବନ୍ଧକଙ୍କ ମୁକ୍ତି ଦାବିରେ ଏକ ପ୍ରଦର୍ଶନ ହେଉଥିଲା । ଏହି ସମୟରେ ଜଣେ ବ୍ୟକ୍ତି ଆକ୍ରମଣ କରିବାରୁ ପାଖାପାଖି ଛଅ ଜଣ ଆହତ ହୋଇଛନ୍ତି । ତେବେ ଘଟଣାରେ ପୋଲିସ ଜଣେ ସନ୍ଦିଗ୍ଧକୁ ଗିରଫ କରିଛି । ଆକ୍ରମଣକାରୀ “ପାଲେଷ୍ଟାଇନ୍ କୋ ଆଜାଦ କରୋ” ସ୍ଲୋଗାନ ଦେଇଥିଲା ଏବଂ ଏକ ଅସ୍ଥାୟୀ ଫ୍ଲେମ୍ ଥ୍ରୋବର୍ ବ୍ୟବହାର କରିଥିବା ଜଣାପଡ଼ିଛି । ଏହି ଘଟଣା ଗାଜାରେ ଚାଲିଥିବା ଯୁଦ୍ଧ ଏବଂ ଉତ୍ତେଜନାକୁ ପ୍ରତିଫଳିତ କରୁଛି । ସୂଚନା ଅନୁସାରେ କୋଲୋରାଡୋର ବୋଲ୍ଡର ସହରରେ ଇସ୍ରାଏଲୀ ବନ୍ଧକଙ୍କ ମୁକ୍ତି ଦାବି କରି ‘ରନ ଫର୍ ଦେୟାର ଲାଇଭ୍ସ’ ନାମକ ଏକ ପ୍ରତିବାଦ ହେଉଥିବା ସମୟରେ ଜଣେ ବ୍ୟକ୍ତି ଆକ୍ରମଣ କରିଥିଲେ । ସେଠାରେ ଥିବା ଏକ ମଲ୍ ସାମ୍ନାରେ ହୋଇଥିବା ଏହି ପ୍ରତିବାଦରେ ଅତି କମରେ ଛଅ ଜଣ ଆହତ ହୋଇଥିଲେ । ପରେ ପୋଲିସ ଜଣେ ସନ୍ଦିଗ୍ଧଙ୍କୁ ଗିରଫ କରିଥିଲା ।
