ଉଦଳା : ଆବାସ ସର୍ଭେ ବେଳେ ଡବ୍ଲ୍ୟୁଇଓଙ୍କୁ ମରଣାନ୍ତକ ଆକ୍ରମଣ । ଗୋପବନ୍ଧୁନଗର ବ୍ଲକ ଡବ୍ଲ୍ୟୁଇଓଙ୍କୁ ମାଡ ମାରିଲେ ଦୁର୍ବୁତ୍ତ । ଡବ୍ଲ୍ୟୁଇଓ ସତ୍ୟଭାନୁ ସର୍ଦ୍ଦାର ସିଂ ଗୁରୁତର ଆହତ । ଥାନାରେ ଅଭିଯୋଗ ପରେ ପୋଲିସର ତଦନ୍ତ ଆରମ୍ଭ । ଆକ୍ରମଣରେ ଡବ୍ଲ୍ୟୁଇଓଙ୍କ ଆଖି ଏବଂ ଛାତିରେ ଆଘାତ ହୋଇଛି । ଏହା ସହିତ ତାଙ୍କୁ ଜୀବନରୁ ମାରି ଦେବା ପାଇଁ ବେକ ମଧ୍ୟ ଚିପିଥିଲେ । ପରେ ତାଙ୍କ ନିକଟରୁ ଦୁଇ ଗୋଟି ମୋବାଇଲ ଛଡେଇ ନେଇଛନ୍ତି । ତେବେ ଟିକାୟତପୁର ବାଳିକା ବିଦ୍ୟାଳୟରେ ୱାଚମ୍ୟାନ ବଦଳି ପାଇଁ ବାରମ୍ବାର କହିଥିବା ବେଳେ ତାହା ହୋଇ ନ ଥିବାରୁ ଉକ୍ତ ଘଟଣାରେ ରାଗ ରଖି ଏଭଳି ଆକ୍ରମଣ ହୋଇଥିବା କହିଛନ୍ତି ଡବ୍ଲୁଇଓ । ଅନ୍ୟପଟେ ଏ ନେଇ ଥାନାରେ ଅଭିଯୋଗ କରାଯାଇଥିବା କହିଛନ୍ତି ବିଡ଼ିଓ ।
