ଭୁବନେଶ୍ୱର : ଭୁବନେଶ୍ବର ଜନତା ମଇଦାନରେ ଅଷ୍ଟାଦଶ ପ୍ରବାସୀ ଭାରତୀୟ ମହାକୁମ୍ଭ । ଯୁବ ସମାବେଶରୁ ଆରମ୍ଭ ହେଲା ୩ ଦିନିଆ ସମ୍ମିଳନୀ । ପ୍ରଦୀପ ପ୍ରଜ୍ବଳନ କରି ସ୍ବାଗତ ଭାଷଣ ଦେଇଥିଲେ ବୈଦେଶିକ ବ୍ୟାପାର ରାଷ୍ଟ୍ରମନ୍ତ୍ରୀ ପବିତ୍ର ମାର୍ଗେରେଟା । କେନ୍ଦ୍ର ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରୀ ଡ. ମନସୁଖ ମାଣ୍ଡଭିୟ ଆରମ୍ଭ କରିଥିଲେ କାର୍ୟ୍ୟକ୍ରମ । ବୈଦେଶିକ ବ୍ୟାପାର ମନ୍ତ୍ରୀ ଏସ. ଜୟଶଙ୍କର ଓ ମୁଖ୍ୟମନ୍ତ୍ରୀ ମୋହନ ମାଝୀ ସମ୍ମିଳନୀରେ ଯୋଗଦେଇ ଅଭିଭାଷଣ ରଖିଥିଲେ । ‘ବିୟଣ୍ଡ ବର୍ଡରସ: ଡାୟସପୋରା ୟୁଥ ଲିଡରସିପ ଇନ ଏ ଗ୍ଲୋବାଲାଇଜଡ ୱାର୍ଲଡ ‘ ଶୀର୍ଷକରେ ପ୍ରଥମ ପ୍ଲାନାରୀ ସେସନ ଥିଲା ।ଅପରାହ୍ଣରେ ଅନରାଭେନଲିଂ ଇଣ୍ଡିଆଜ ବେଷ୍ଟ କେପ୍ ଟ ସିକ୍ରେଟ ଓ ବିକଶିତ ଓଡିଶା: ଦି ରୋଡ ଆହେଡ ଶୀର୍ଷକରେ ସେସନ ଅନୁଷ୍ଠିତ ହେବ । ସଂଧ୍ୟାରେ ସାଂସ୍କୃତିକ କାର୍ୟ୍ୟକ୍ରମରେ ଅରୁଣା ମହାନ୍ତିଙ୍କ ଡ୍ୟାନସ ଏକାଡେମୀ ଦ୍ବାରା ଓଡ଼ିଶୀ ନାଚ ପ୍ରଦର୍ଶିତ ହେବ । ଆଜି ସଂଧ୍ୟାରେ କାର୍ୟ୍ୟକ୍ରମରେ ଯୋଗ ଦେବାକୁ ଆସିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ୯ ତାରିଖରେ ସମାରୋହକୁ ସେ ଆନୁଷ୍ଠାନିକ ଭାବେ ଉଦଘାଟନ କରିବେ ।ପ୍ରତି ସନ୍ଧ୍ୟାରେ ଆୟୋଜିତ ହେବ ସାଂସ୍କୃତିକ କାର୍ୟ୍ୟକ୍ରମ । କାର୍ୟ୍ୟକ୍ରମରେ ଯୋଗଦେବାକୁ ୭୦ରୁ ଅଧିକ ଦେଶରୁ ଆସିଛନ୍ତି ମୂଳ ପ୍ରବାସୀ ଭାରତୀୟ । ସେମାନେ ଯାଜପୁର, କଟକ, ଭୁବନେଶ୍ୱର ଏବଂ ପୁରୀର ୨୧ଟି ପର୍ୟ୍ୟଟନ ସ୍ଥଳୀ ବୁଲିବେ ।
