ନୂଆଦିଲ୍ଲୀ : ଉତ୍ତରାଖଣ୍ଡ ଚାରଧାମ ଯାତ୍ରା ପାଇଁ ଆଜିଠାରୁ ଅଫଲାଇନ ରେଜିଷ୍ଟ୍ରେସନ ଆରମ୍ଭ ହୋଇଛି । ଚାରଧାମ ଯାତ୍ରା ୩୦ ଏପ୍ରିଲରୁ ଆରମ୍ଭ ହେଉଛି । ଏହି ଦିନ ଗଙ୍ଗୋତ୍ରୀ ଏବଂ ଯମୁନୋତ୍ରୀ ଧାମର କପାଟ ଖୋଲିବ । କେଦାରନାଥ ଧାମ କପାଟ ୨ ମଇରେ ଖୋଲିବାକୁ ଥିବା ବେଳେ ବଦ୍ରିନାଥ ଧାମ କପାଟ ୪ ମଇରେ ଖୋଲିବ । ଚାରଧାମ ଯାତ୍ରା ପାଇଁ ସମସ୍ତ ପ୍ରକାର ପ୍ରସ୍ତୁତି ସରିଛି । ରେଜିଷ୍ଟ୍ରେସନ ପାଇଁ ସକାଳୁ ହରିଦ୍ବାରରେ ଶ୍ରଦ୍ଧାଳୁ ଲାଇନ ଲଗାଇଛନ୍ତି । ଏଥିପାଇଁ ୨୦ଟି ଫ୍ରି ରେଜିଷ୍ଟ୍ରେସନ କାଉଣ୍ଟର ଖୋଲାଯାଇଛି । ଚାରଧାମ ଯାତ୍ରା ପାଇଁ ରେଜିଷ୍ଟ୍ରେସନ କରିବା ବାଧ୍ୟତାମୂଳକ । ଏଥିପାଇଁ ସରକାର ହରିଦ୍ବାର, ଡେରାଡୁନ, ଋଷିକେଶ, ଚମୋଲି, ରୁଦ୍ରପ୍ରୟାଗ ଏବଂ ଉତ୍ତରକାଶୀ ଜିଲ୍ଲାର ୫୦ରୁ ଅଧିକ ରେଜିଷ୍ଟ୍ରେସନ ସେଣ୍ଟର କରିଛନ୍ତି । ଏହିସବୁ ସ୍ଥାନରେ ଶ୍ରଦ୍ଧାଳୁ ଯାତ୍ରା କରିବା ପୂର୍ବରୁ ରେଜିଷ୍ଟ୍ରେସନ କରିପାରିବେ ।
