ନୂଆଦିଲ୍ଲୀ : କୋଭିଡ ଟିକା ଓ ଆକସ୍ମିକ ମୃତ୍ୟୁ ଲିଙ୍କରେ ସ୍ୱାସ୍ଥ୍ୟ ମନ୍ତ୍ରାଳୟ ସ୍ପଷ୍ଟୀକରଣ । କୋଭିଡ ଟିକା ଏବଂ ଆକସ୍ମିକ ମୃତ୍ୟୁ ମଧ୍ୟରେ କୈାଣସି ସମ୍ପର୍କ ନାହିଁ । କୋଭିଡ ଟିକା ସହ ଆକସ୍ମିକ ହୃଦଘାତକୁ ଯୋଡିବା ମିଥ୍ୟା ଓ ବିଭ୍ରାନ୍ତିକର । ଆଇସିଏମଆର ଓ ଏମସ ଦ୍ୱାରା ବ୍ୟାପକ ଅଧ୍ୟୟନରୁ ଏହା ସ୍ପଷ୍ଟ । ଜୀବନଶୈଳୀ , କୋଭିଡ ପୂର୍ବବର୍ତ୍ତୀ ଜଟିଳତା କାରଣ ହୋଇପାରେ । କିନ୍ତୁ କୋଭିଡ ଟିକାକରଣରୁ ହଠାତ ମୃତ୍ୟୁ ସହିତ କୈାଣସି ସମ୍ପର୍କ ନାହିଁ । ସୂଚନାନୁଯାୟୀ, ଦେଶର ୧୯ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳର ୪୭ଟି ହସ୍ପିଟାଲରେ ମେ ରୁ ଅଗଷ୍ଟ ୨୦୨୩ ମଧ୍ୟରେ ଏହି ଗବେଷଣା କରାଯାଇଥିଲା । ଯେଉଁଥିରେ ସମ୍ପୂର୍ଣ୍ଣ ସୁସ୍ଥ ବ୍ୟକ୍ତିଙ୍କୁ ନେଇ ଏହା କରାଯାଇଥିଲା । ଗବେଷଣାରୁ ଜଣାପଡିଛି ଯେ, କରୋନା ଟୀକା ଯୋଗୁଁ ଯୁବକମାନଙ୍କଠାରେ ହୃଦଘାତର ଆଶଙ୍କା ବୃଦ୍ଧି ପାଇନାହିଁ । ଯୁବକମାନଙ୍କ ମୃତ୍ୟୁ ସହିତ ଏହାର କୌଣସି ସମ୍ପର୍କ ନାହିଁ କହିଛନ୍ତି । ହଠାତ୍ ମୃତ୍ୟୁ ପଛର କାରଣ ବୁଝିବା ପାଇଁ ତଦନ୍ତ ଆରମ୍ଭ କରିଛନ୍ତି ICMR ଏବଂ AIIMS ।
