ରାଜସ୍ଥାନ : ଆଇସିୟୁରେ ଚିକିତ୍ସିତ ମହିଳାଙ୍କୁ ଦୁଷ୍କର୍ମ । ରାଜସ୍ଥାନର ଅଲବାର ଜିଲ୍ଲାର ଇଏସାଇସି ମେଡିକାଲ କଲେଜରୁ ସାମ୍ନାକୁ ଆସିଛି ଏକ ହୃଦୟ ବିଦାରକ ଘଟଣା । ଆଇସିୟୁ ରେ ଥିବା ଜଣେ ମହିଳାଙ୍କୁ ଦୁର୍ବୁବ୍ୟହାର କରିଛନ୍ତି ନର୍ସିଂ କର୍ମଚାରୀ । ଏମଆଇଏ ଥାନାରେ ମାମଲା ରୁଜୁ କରାଯାଇଛି । ପୀଡିତାଙ୍କ ଡାକ୍ତରୀ ପରୀକ୍ଷା ପରେ ଯାଞ୍ଚ ପାଇଁ ପୋଲିସ ତଦନ୍ତ ଆରମ୍ଭ କରିଛି ।ସୂଚନା ଅନୁଯାୟୀ, ଜଣେ ୩୨ବର୍ଷୀୟ ମହିଳାଙ୍କ ଚିକିତ୍ସା ପାଇଁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଜୁନ୍ ୪ରେ ମହିଳାଙ୍କୁ ନିଶା ଇଞ୍ଜେକ୍ସନ ଦେଇ ତାଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ସକାଳେ ପୀଡିତାଙ୍କ ଚେତା ଫେରିବା ପରେ ସେ ତାଙ୍କ ପରିବାରକୁ ସମସ୍ତ ଘଟଣା ସମ୍ବନ୍ଧରେ ଜଣାଇଥିଲେ । ଏହା ସହିତ ହସ୍ପିଟାଲର ପ୍ରଶାସନ ଏହି ମାମଲାକୁ ଚାପି ଦେବାକୁ ଚେଷ୍ଟା କରୁଛନ୍ତି ବୋଲି ପୀଡିତାଙ୍କ ସ୍ବାମୀ ଅଭିଯୋଗ କରିଛନ୍ତି ।
