ଭୁବନେଶ୍ୱର : ସମସ୍ତଙ୍କ ଅପେକ୍ଷା ଆଇପିଏଲ ଫାଇନାଲ ମ୍ୟାଟରେ କିଏ ହେବ ଉଇନର । ଆଇପିଏଲ୍ ୨୦୨୩ ଫାଇନାଲ ମ୍ୟାଚକୁ ଫ୍ୟାନ୍ସ ଚାହିଁ ରହିଛନ୍ତି । ଚେନ୍ନାଇ ସୁପରକିଙ୍ଗସ ଏବଂ ଗୁଜରାଟ ଟାଇଟନ୍ସ ମଧ୍ୟରେ ହେବାକୁ ଥିବା ଫାଇନାଲ ମ୍ୟାଚ୍ ବର୍ଷା ଯୋଗୁଁ ବାତିଲ ହୋଇଥିଲା । ଯାହା ଆଜି ଖେଳାଯିବ । ତେବେ ଆଜି ଅହମଦାବାଦରେ ପାଣିପାଗ ଭଲ ରହିଛି । ଯଦି ଆଜି ମଧ୍ୟ ବର୍ଷା ହୁଏ, ତେବେ କ’ଣ ହେବ ଫଳାଫଳ ଏହାକୁ ନେଇ ଫ୍ୟାନ୍ସ ଅନେକ ଆକଳନ କରୁଛନ୍ତି ।
ଗତକାଲି ଚେନ୍ନାଇ ଏବଂ ଗୁଜରାଟ ଫାଇନାଲ ମ୍ୟାଚ୍ ପାଇଁ ଫ୍ୟାନ୍ସ ରାତି ୧୧ଟା ଯାଏଁ ଅପେକ୍ଷା କରିଥିଲେ । କିନ୍ତୁ ବର୍ଷା ଯୋଗୁଁ ମ୍ୟାଚ୍ ହୋଇପାରିଲା ନାହିଁ କି ସୁପର ଓଭର ମଧ୍ୟ ହେଲା ନାହିଁ । ତେବେ ଫାଇନାଲ ମ୍ୟାଚ ଆଜି ଖେଳାଯିବ । ଯଦି ରିଜର୍ଭ ଡେ’ରେ ବର୍ଷା ହୁଏତ ତେବେ କ୍ଷତି ଚେନ୍ନାଇର ହେବ । ଖବର ମୁତାବକ, ପଏଣ୍ଟ ଟେବୁଲ ତାଲିକାରେ ଶୀର୍ଷରେ ଗୁଜରାଟ ଟାଇଟନ୍ସ ରହିଥିବାରୁ ବିଜେତା ଘୋଷଣା ହୋଇପାରେ । ଫଳରେ ଚେନ୍ନାଇ ଟାଇଟଲ ହରାଇ ପାରେ ।
