କୋରାପୁଟ : ଅବକାରୀ ବିଭାଗ ପକ୍ଷରୁ ବିପୁଳ ପରିମାଣର ଗଞ୍ଜେଇ ଜବତ । କୋରାପୁଟ ଜିଲ୍ଲା ଅବକାରୀ ବିଭାଗ ପକ୍ଷରୁ ୬କ୍ୱିଣ୍ଟାଲ ୬୫ କେଜି ଗଞ୍ଜେଇ ଜବତ କରିବା ସହ ଜଣେ ବେପାରୀଙ୍କୁ ମଧ୍ୟ ଗିରଫ କରାଯାଇଛି । ସୁଚନା ଅନୁଯାୟୀ, ଗଞ୍ଜେଇ ବେପାରୀ ବାହାର ରାଜ୍ୟରୁ ଆସି କିଛି ବେପାର କରୁଥିବା ପୋଲିସ ଓ ଅବକାରୀ ବିଭାଗ ନିକଟରେ ଗୁଇନ୍ଦା ସୂଚନା ମିଳିଥିଲା । ଏହାପରେ ଲଗାତର ଭାବେ କଡ଼ା ନଜର ରଖିଥିବା ବେଳେ ଏହିକ୍ରମରେ ଅବକାରୀ ବିଭାଗ ନନ୍ଦପୁର ବ୍ଲକ କମାରଗୁଡା ଛକ ମାରଦା ଗ୍ରାମରେ ଚଢାଉ କରି ଏକ ଘରୁ ବିପୁଳ ପରିମାଣର ଗଞ୍ଜେଇ ଜବତ ହୋଇଛି । ଯାହାର ଆନୁମାନିକ ମୂଲ୍ୟ ୬୫ ଲକ୍ଷ ଟଙ୍କା ହେବ ବୋଲି ଜଣାପଡିଛି । ସେହିପରି ଏହି ବିଭାଗର ଚଢାଉରେ ଏକ ନୂଆ ତଥ୍ୟ ମଧ୍ୟ ସାମ୍ନାକୁ ଆସିଛି । ଫେରିବାଲାମାନେ ବାହାର ରାଜ୍ୟରୁ ଆସିଥିବା ଗାଁ ଗାଁ ବୁଲି ବ୍ୟବସାୟ କରିବା ସହ ଚୋରା ଗଞ୍ଜେଇ କାରବାରରେ ମଧ୍ୟ ସଂପୃକ୍ତି ଅଛନ୍ତି। ସୁଲତାନ ସିଂ ହରିୟାଣାରୁ ଆସି ଶୀତ ବସ୍ତ୍ର ବିକ୍ରୟ କରୁଥୁବାବେଳେ ଗିରଫ କରିଛି ଅବକାରୀ ବିଭାଗ ।
