ହିନେ୍ଦାଳ : ଅଜଣା ଗାଡି ଧକ୍କାରେ ଚାଲିଗଲା ଜୀବନ । ହିନ୍ଦୋଳ ଗୁଡ଼ିଆକାଟେଣି ରାସ୍ତାର କାରନ୍ଦା ଛକ ନିକଟରେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣା । ଦୁର୍ଘଟଣାରେ ମୃତ୍ୟୁବରଣ କରିଥିବା ବୃଦ୍ଧ ଜଣକ ହେଲେ କାରନ୍ଦା ରଗଡି ସାହିର ୬୦ ବର୍ଷିୟ ପାର୍ଥ ବିଶ୍ଵାଳ । ଗତକାଲି ସନ୍ଧ୍ୟା ୭ଟା ସମୟରେ ପାର୍ଥ କୌଣସି କାର୍ୟ୍ୟ ନିମନ୍ତେ କାରନ୍ଦା ଛକ ନିକଟକୁ ଆସିଥିଲେ । ତେବେ ଏତିକି ବେଳେ ଦ୍ରୁତ ଗତିରେ ଆସୁଥିବା ଏକ ଭାରିଯାନ ପାର୍ଥଙ୍କୁ ପଛପଟୁ ଧକ୍କା ଦେଇଥିଲା । ଘଟଣାସ୍ଥଳରେ ପାର୍ଥଙ୍କ ମୃତ୍ୟୁ ଘଟିଥିବାବେଳେ ଦୁର୍ଘଟଣା ଘଟାଇଥିବା ଗାଡ଼ିଟି ଘଟଣା ସ୍ଥଳରୁ ଫେରାର ହୋଇଯାଇଥିଲା । ଏହି ଘଟଣାକୁ ନେଇ ସ୍ଥାନୀୟ ବାସିନ୍ଦା ମୃତ ପରିବାରକୁ କ୍ଷତିପୂରଣ ଦାବିରେ ଟାୟାର ଜାଳି ରାସ୍ତା ଅବରୋଧ କରିଥିବାବେଳେ ଘଟଣାସ୍ଥଳରେ ରାସୋଳ ପୋଲିସ୍ ଏବଂ ହିନ୍ଦୋଳ ତହସିଲଦାର ପହଞ୍ଚି ଲୋକମାନଙ୍କୁ ବୁଝାସୁଝା କରିଥିଲେ ।
