ଦାନଗଦୀ :ଦାନଗଦି ବ୍ଲକ ଅନ୍ତର୍ଗତ ଶୋଲେଇ ଗ୍ରାମରେ ଗତକାଲି ଅଗ୍ନିକାଣ୍ଡରେ ବାପି ମହାରଣା ଙ୍କର ଦୁଇ ବଖରା ଘର ସମ୍ପୂର୍ଣ ଜଳି ଯାଇଥିବା ବେଳେ ଘରେ ଥିବା ଆସବାବପତ୍ର ଓ ଧାନ ସମ୍ପୂର୍ଣ ଜଳି ଯାଇଥିଲା ସୂଚନା ଅନୁଯାୟୀ, ବାପି ମହାରଣାଙ୍କ ପରିବାର ଲୋକ ତାଙ୍କ ଘରେ ତାଲା ଦେଇ କଣ୍ଟ୍ରୋଲ ଦୋକାନକୁ ଚାଉଳ ପାଇଁ ଯାଇଥିଲେ, ହଠାତ କିପରି ନିଆଁ ଲାଗିଲା ତାହା ଜାଣି ପାରିଲେ ନାହିଁ । ଖବର ପାଇ ସେମାନେ ଘର ପାଖରେ ପହଁଚିଲା ବେଳେ ଘର ତିନି ବଖରା ଜଳି ଯାଇଥିଲା ।ଏହି ଦୁଃଖଦ ଖବର ଜାଣିଲା ପରେ ଗରିବ ପରିବାର ପାଖରେ ବିପତ୍ତି ସମୟରେ କଳିଙ୍ଗନଗର ପ୍ରେସ ଫୋରମର ସଭାପତି ଓ ସମ୍ପାଦକଙ୍କ ସହ ସମସ୍ତ ସଦସ୍ୟ ପହଁଚି ସହାୟତା ଯୋଗାଇ ଦେଇଛନ୍ତି । ଶୁଖିଲା ଖାଦ୍ୟ, କମ୍ବଳ ପରିବାରକୁ ଯୋଗାଇ ଦିଆଯାଇଛି ।
