କଟକ : ୫ ଟିରେ ସାମିଲ ହୋଇଛି କଟକ ମହାନଗର ନିଗମ ୫୮ ନମ୍ବର ୱ।ର୍ଡ଼ର ଭାଣପୁର ହାଇସ୍କୁଲ । ଏହି ସ୍କୁଲର କାର୍ଯ୍ୟ ଠିକ ଭାବରେ କରାଯାଉଛି କି ନାହିଁ , ସୋମବାର ଦିନ ସ୍ଥାନୀୟ କର୍ପୋରେଟର ଜନାର୍ଦ୍ଦନ ପରିଡ଼ା ସ୍କୁଲରେ ପହଁଚି କାର୍ଯ୍ୟର ତଦାରଖ କରିଥିଲେ । ଏହା ସହିତ ସ୍କୁଲ ସମ୍ମୁଖରେ ବର୍ଷା ଦିନେ ପାଣି ଜମି ରହୁଥିବାରୁ ଛାତ୍ର ଛାତ୍ରୀ ଏବଂ ଶିକ୍ଷକ ଶିକ୍ଷୟିତ୍ରୀ ମାନେ ପାଣିରେ ପଶି ଶ୍ରେଣୀ ଗୃହକୁ ଯାଉଥିଲେ । ଏହାର ପ୍ରତିକାର ପାଇଁ ସ୍କୁଲ ପରିଚାଳନା କମିଟିର ସଦସ୍ୟ ଏବଂ ଶିକ୍ଷକ ଶିକ୍ଷୟିତ୍ରୀ ମାନେ କର୍ପୋରେଟରଙ୍କ ନିକଟରେ ଦାବି ରଖିଥିଲେ । କର୍ପୋରେଟର ଏହାର ସମାଧାନ ପାଇଁ ମୁକ୍ତା ଯୋଜନାରେ ସାମିଲ କରିଥିଲେ । ବର୍ଷା ଜଳ ନିଷ୍କାସନ ପାଇଁ ଏକ ଡ୍ରେନ ନିର୍ମାଣ କାର୍ୟ୍ୟ ଶେଷ ହୋଇଥିଲା ବେଳେ ୧୯ ଲକ୍ଷ ୫୦ ହଜାର ଟଙ୍କାର ଫେବଡ଼ ବ୍ଲକ ବିଛା ଯିବା ପାଇଁ କାର୍ଯ୍ୟ ଚାଲିଛି । କାମ ଠିକ ଭାବେ କରାଯାଉଛି କି ନାହିଁ ବୁଲି ଦେଖିବା ସହ, ସ୍କୁଲ ପରିଚାଳନା କମିଟିର ସଦସ୍ୟଙ୍କ ସହ କାମ କିପରି ସରିବ ସେନେଇ ଆଲୋଚନା କରିଥିଲେ ।
