ନୂଆଦିଲ୍ଲୀ : ଧାରା ୩୭୦ ଉଚ୍ଛେଦକୁ ନେଇ ସୁପ୍ରିମକୋର୍ଟଙ୍କ ବଡ ରାୟ । ଧାରା ୩୭୦ ଉଚ୍ଛେଦକୁ ବୈଧ କହିଲେ ସୁପ୍ରିମକୋର୍ଟ । କେନ୍ଦ୍ର ସରକାରଙ୍କ ନିଷ୍ପତ୍ତିକୁ କାଏମ ରଖିଲେ ସୁପ୍ରିମକୋର୍ଟ । ଧାରା ୩୭୦ ସଂପୂର୍ଣ୍ଣ ଭାବେ ଏକ ଅସ୍ଥାୟୀ ବ୍ୟବସ୍ଥା ଥିଲା । ଭାରତରେ ମିଶ୍୍ରଣ ପରେ ଆଉ ସ୍ୱତନ୍ତ୍ର ମାନ୍ୟତା ବଜାୟ ରଖିପାରିବନି । ସମ୍ବିଧାନର ସବୁ ଅନୁଚ୍ଛେଦ ଜାମ୍ମୁ କାଶ୍ମୀର ପାଇଁ ଲାଗୁ ହୋଇପାରିବ । ଧାରା ୩୭୦ କେବଳ ଭାରତରୋ ମିଶ୍ରଣ ପାଇଁ ଉଦ୍ଧିଷ୍ଟ ଥିଲା ।
ଜାମ୍ମୁ କାଶ୍ମୀରରେ ନିର୍ବାଚନ କରିବାକୁ ସୁପ୍ରିମକୋର୍ଟଙ୍କ ନିଦେ୍ର୍ଦଶ । ୨୦୨୪ ସେପ୍ଟେମ୍ବର ୩୦ ସୁଦ୍ଧା ନିର୍ବାଚନ କରିବାକୁ ନିଷ୍ପତ୍ତି । ନିର୍ବାଚନ କମିଶନଙ୍କୁ ନିଦେ୍ର୍ଦଶ ଦେଲେ ସର୍ବୋଚ୍ଚ କୋର୍ଟ । ୩୭୦ ଉଚ୍ଛେଦର ୪ ବର୍ଷ, ୪ ମାସ ଏବଂ ୬ ଦିନ ପରେ ଆଜି ସୁପ୍ରିମ୍କୋର୍ଟରେ ୫ ଜଣ ଜଜ୍ ଜଷ୍ଟିସ୍ ଡିଓ୍ଵାଇ ଚନ୍ଦ୍ରଚୂଡ଼, ଜଷ୍ଟିସ୍ ସଞ୍ଜୟ କିଶନ କୌଲ, ଜଷ୍ଟିସ୍ ସଞ୍ଜୀବ ଖାନ୍ନା, ଜଷ୍ଟିସ୍ ବିଆର୍ ଗଭଇ ଓ ଜଷ୍ଟିସ୍ ସୂର୍ୟ୍ୟକାନ୍ତଙ୍କ ବେଞ୍ଚ୍ ନିଜର ନିଷ୍ପତ୍ତି ଶୁଣାଇଛନ୍ତି। ଜମ୍ମୁ-କାଶ୍ମୀରରୁ ଧାରା ୩୭୦ ହଟାଯିବା ଉପରେ ସୁପ୍ରିମ୍କୋର୍ଟଙ୍କର ମୋହର ବାଜିଛି। କୋର୍ଟ ମଧ୍ୟ ସ୍ୱୀକାର କରିଛନ୍ତି ଯେ ରାଷ୍ଟ୍ରପତିଙ୍କର ନିଷ୍ପତ୍ତି ସାମ୍ବିଧାନିକ ରୂପେ ବୈଧ ଥିଲା। ଧାରା ୩୭୦ ଅସ୍ଥାୟୀ ଥିଲା। ସମ୍ବିଧାନର ସମସ୍ତ ବ୍ୟବସ୍ଥା ଜମ୍ମୁ-କାଶ୍ମୀର ଉପରେ ଲାଗୁ ହେବ। କୋର୍ଟ ଆହୁରି ମଧ୍ୟ କହିଛନ୍ତି, ଧାରା ୩୭୦ ଉପରେ ରାଷ୍ଟ୍ରପତିଙ୍କର ନିଷ୍ପତ୍ତି ନେବାର ସମ୍ପୂର୍ଣ୍ଣ ଅଧିକାର ଅଛି। ତାଙ୍କ ପାଖରେ ସାମ୍ବିଧାନିକ ଶକ୍ତି ରହିଛି।
