“୧ ରୁ ୧୧ ଆସ ବୁଲିଯିବା ଅଙ୍ଗନବାଡି”

ଭୁବନେଶ୍ୱର : ୧ ରୁ ୧୧ ଯାଏଁ ରାଜ୍ୟରେ ଚାଲିବ ଆସ ବୁଲିଯିବା ଅଙ୍ଗନବାଡି କାର୍ଯ୍ୟକ୍ରମ । ସୂଚନା ଦେଲେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା । ଅଭିଭାବକ ଓ ସାଧାରଣ ଲୋକ ଯାଇ ପରଖିବେ ଅଙ୍ଗନବାଡି କେନ୍ଦ୍ର । AWESOME ଆପ ଜରିଆରେ ବିଭିନ୍ନ ବିଷୟରେ ଫିଡବ୍ୟାକ ଦେବେ । ସେମାନଙ୍କ ମତାମତକୁ ନେଇ ଅଙ୍ଗନବାଡି ଭିତ୍ତିଭୂମି ଆହୁରି ସୁଦୃଢ କରାଯିବ । ଅନ୍ୟପଟେ ରାଜ୍ୟର ସମସ୍ତ ଅଙ୍ଗନବାଡ଼ିର ନିଜସ୍ୱ ଘର ନିର୍ମାଣ କରାଯିବ । ସେଠି ପାଣି, ବିଜୁଳିର ବ୍ୟବସ୍ଥା କରାଯିବ । ନିଜ ଅଞ୍ଚଳରେ ଆସୁଥିବା ଅଙ୍ଗନବାଡ଼ି ସେଣ୍ଟରକୁ ସିଡ଼ିପିଓ ମାନେ ସୁନ୍ଦର କରନ୍ତୁ । ଛଅ ମାସକୁ ଥରେ ପ୍ରତି ଅଙ୍ଗନବାଡିକୁ ପରିଦର୍ଶନରେ ଯାଆନ୍ତୁ ସିଡିପିଓ । ସମସ୍ତ ଅଙ୍ଗନବାଡ଼ିର ନିଜସ୍ବ ଘର ହେବା ନେଇ ବଡ଼ ସୂଚନା ଦେଇଛନ୍ତି ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡା । ତେବେ ଓଡ଼ିଶାକୁ ଅପପୁଷ୍ଟି ମୁକ୍ତ କରିବାକୁ ମଧ୍ୟ ଆହ୍ବାନ ଦେଇଛନ୍ତି ଉପ-ମୁଖ୍ୟମନ୍ତ୍ରୀ ।