ରାଉରକେଲା : ସୁନ୍ଦରଗଡ଼ ରାଜଗାଙ୍ଗପୁର ସହରରେ ଏଭଳି ଅଘଟଣ ଦେଖିବାକୁ ମିଳିଛି। ରାଜଗାଙ୍ଗପୁର ସହରରେ ଥିବା ଆଇଟି କଲୋନୀରେ ଏକ କାର ଛିଡା ହୋଇଥିବା ବେଳେ ଲାଗିଯାଇଥିଲା ନିଆଁ । ଯାହାଦ୍ୱାରା କାର୍ଟି ପୋଡିଯାଇଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଉଦ୍ୟମ କରୁଛି ।
ସୂଚନା ଅନୁଯାୟୀ , ରାଜଗାଙ୍ଗପୁର ସହରରେ ଥିବା ଆଇଟି କଲୋନୀର ବାସିନ୍ଦା ରାଜେଶ୍ୱର ରଥ ବୁଧବାର ରାତିରେ ରାଧାକୃଷ ମନ୍ଦିର ଆଗରେ ବଲେନୋ ଗାଡି (ଓଡ଼ି ୧୪ଟି ୯୦୬୫)ଟିକୁ ରଖିଥିଲେ । ରାତି ପ୍ରାୟ ସାଢେ ୧୨ଟା ସମୟରେ ଏକ ଜୋର ଶବ୍ଦ ଶୁଣି ଆଖପାଖରେ ରହୁଥିବା ବାସିନ୍ଦା ଘରୁ ବାହାରି ଆସି ଦେଖିଲା ବେଳକୁ କାରଟି ଜଳୁଥିଲା । ଏହାକୁ ଦେଖି ସ୍ଥାନୀୟ ବାସିନ୍ଦା ଗାଡି ମାଲିକଙ୍କୁ ତୁରନ୍ତ ଖବର ଦେଇ ପୋଲିସ ଓ ଅଗ୍ନିଶମ ବିଭାଗକୁ ମଧ୍ୟ ସୂଚନା ଦେଇଥିଲେ । ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଥିଲେ । ଏପର୍ଯ୍ୟନ୍ତ ନିଆଁ କିଭଳି ଲାଗିଲା ତାହା ଜଣା ପଡି ନଥିବା ବେଳେ ଏ ନେଇ ଗାଡି ମାଲିକ ରାଜେଶ୍ୱର ରଥ ଥାନାରେ ଅଭିଯୋଗ କରିଛନ୍ତି । ଏନେଇ ରାଜଗାଙ୍ଗପୁର ପୋଲିସ ଘଟଣାର ତଦନ୍ତ ଜାରି ରଖିଛି।
