ସୁପରଷ୍ଟାର ଶାହାରୁଖ ଖାନ ନିଜ ବାସଭବନ ‘ମନ୍ନତ’ରେ ସପରିବାର ସହ ହର୍ ଘର୍ ତ୍ରିରଙ୍ଗା ଅଭିଯାନରେ ଜାତୀୟ ପତାକା ଉତ୍ତୋଳନ କରିଛନ୍ତି । ସ୍ୱାଧୀନତା ଦିବସ ପାଳନ କରିବା ଅବସରରେ ସମସ୍ତେ ଧଳା ପୋଷାକ ପିନ୍ଧିବା ସହ ଶାହାରୁଖ, ପତ୍ନୀ ଇଣ୍ଟେରିୟର ଡିଜାଇନର୍ ଗୌରୀ ଖାନ୍ ନିଜ ପୁଅ ଆର୍ଯ୍ୟନ ଓ ଆବ୍ରାମଙ୍କ ସହ ଜାତୀୟ ପତାକା ତଳେ ଠିଆ ହୋଇଥିବା ଦେଖିବାକୁ ମିଳିଛି ।
ଗତକାଲି ସନ୍ଧ୍ୟାରେ ଶାହାରୁଖ, ପତ୍ନୀ ଇଣ୍ଟେରିୟର ଡିଜାଇନର୍ ଗୌରୀ ଖାନ୍ ଇନଷ୍ଟାଗ୍ରାମକୁ ଯାଇ ସ୍ୱାଧୀନତା ଦିବସର ଅବ୍ୟବହିତ ପୂର୍ବରୁ ସେମାନେ ଏହାକୁ ପାଳନ କରିଥିବା ଏକ ସୁଖଦ ମୁହୂର୍ତ୍ତର ଫଟୋଟିକୁ ସେୟାର କରି ତାର କ୍ୟାପସନରେ ଲେଖିଛନ୍ତି, ସ୍ୱାଧୀନତା ଦିବସର ଶୁଭେଚ୍ଛା । କିଙ୍ଗ ଖାନଙ୍କ ସ୍ୱାଧୀନତା ପୂର୍ବ ଦିବସ ପାଳନ ପ୍ରଶଂସକମାନଙ୍କୁ ଅତ୍ୟନ୍ତ ଖୁସି କରିଛି ।
