କେନ୍ଦ୍ରାପଡା : କେନ୍ଦ୍ରାପଡା ଜିଲ୍ଲା ଆଳି ଥାନା ଅଞ୍ଚଳରେ ଜଣେ ମହିଳାଙ୍କୁ ଭଡ଼ା ଘର ମାଲିକ ଦୁଷ୍କର୍ମ କରିଥିବାର ଅଭିଯୋଗ ହୋଇଛି। ଅଭିଯୋଗ ଆଧାରରେ ଆଳି ପୋଲିସ ତଦନ୍ତ କରି ଘର ମାଲିକ ଦେବାଶିଷ ସାମଲକୁ ଗିରଫ କରି କୋର୍ଟ ଚାଲାଣ କରିଛି।ଏତଲା ଅନୁଯାଇ ଗତ ଫେବ୍ରୁଆରୀ ମାସରୁ ଆଳି ନୂଆବଜାର ଠାରୁ କିଛି ଦୂରରେ ସ୍ୱାମୀ,ସ୍ତ୍ରୀ ଘରଭଡ଼ା ନେଇ ରହି ଆସୁଥିଲେ।ହେଲେ ଗତକାଲି ଅପରାହ୍ନରେ ମହିଳାଙ୍କ ସ୍ୱାମୀ ଅଫିସ ଯାଇଥିବା ବେଳେ ଘରମାଲିକ ମୋବାଇଲ ଚାର୍ଜ କରିବାପାଇଁ ମହିଳାଙ୍କୁ ଡାକିବା ସହ କବାଟ ପିଟିଥିଲେ।ମହିଳା ଜଣଙ୍କ ଘରେ କେହିନଥିବା କହି କବାଟ ଖୋଲିନ ଥିଲେ।ହେଲେ ମୋବାଇଲ ସୁଇଚ ଅଫ ଅଛି ଅର୍ଜେଣ୍ଟ କଲ କରିବାର ଅଛି କହି କବାଟ ଖୋଲିବାକୁ ଘରମାଲିକ ବାଧ୍ୟକରିଥିଲେ।ମହିଳା ଜଣଙ୍କ ଘରଖୋଲି ବାହାରକୁ ଆସିବାରୁ ଘରମାଲିକ ଜୋର ଜବରଦସ୍ତ ହାତଧରି ଘର ଭିତରକୁ ଟାଣିନେଇ ଦୁଷ୍କର୍ମ କରିଥିବା ନିଜେ ପୀଡ଼ିତା ଆଳି ଥାନାରେ ଅଭିଯୋଗ କରିଛନ୍ତି।ପୀଡ଼ିତାଙ୍କ ଅଭିଯୋଗକୁ ଭିତିକରି ଆଳି ପୋଲିସ ମାମଲା ରୁଜୁ କରିବା ସହ ଘର ମାଲିକ ଦେବାଶିଷ ସମାଲକୁ ଗିରଫକରି କୋର୍ଟ ଚାଲାଣ କରିଛି।
