ନୋଏଡା : ସୋଫା ଫ୍ୟାକ୍ଟ୍ରିରେ ବଡ ଧରଣର ଅଗ୍ନିକାଣ୍ଡ । ଉତ୍ତର ପ୍ରଦେଶର ଗ୍ରେଟର ନୋଏଡାରେ ବଡ଼ ଧରଣର ଅଗ୍ନିକାଣ୍ଡ ଘଟିଛି । ଏଥିରେ ୩ ଜଣଙ୍କ ମୃତ୍ୟୁ ହୋଇଛି । ସକାଳ ପ୍ରାୟ ୮ଟାରେ ସୋଫା ଫ୍ୟାକ୍ଟ୍ରିରେ ନିଆଁ ଲାଗିଥିବାର ଖବର ମିଳିଥିଲା । ଫ୍ୟାକ୍ଟ୍ରିରେ ଭୀଷଣ ନିଆଁ ଲାଗିଯିବାରୁ ୩ ଜଣ କର୍ମଚାରୀ ଏହା ସଂସ୍ପର୍ଶରେ ଆସିଥିଲେ । କର୍ମଚାରୀମାନେ ଫ୍ୟାକ୍ଟ୍ରି ଭିତରେ ଥିବା ବେଳେ ଏହି ଘଟଣା ଘଟିଥିଲା । ଖବର ପାଇ ପୋଲିସ ଓ ଦମକଳ ଗାଡ଼ି ପହଞ୍ଚି ବହୁ ପରିଶ୍ରମ ପରେ ନିଆଁକୁ ଆୟତ୍ତ କରିଛନ୍ତି । ପୋଲିସ ୩ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଘଟଣା ଘଟିଛି ବିଟା-୨ ଥାନା ଅଧୀନ ସାଇଟ୍-୪ ଅଞ୍ଚଳରେ । ମୃତକମାନେ ସମସ୍ତେ ବିହାରର ବାସିନ୍ଦା ବୋଲି ପୋଲିସ କହିଛି ।
