ନୂଆଦିଲ୍ଲୀ : ଅପରେସନ ସିନ୍ଦୂର ସରିନି କହିଲେ ସଂସଦୀୟ ବ୍ୟାପାର ମନ୍ତ୍ରୀ । ସର୍ବଦଳୀୟ ବୈଠକ ପରେ ବଡ ସୂଚନା ଦେଲେ କିରଣ ରିଜିଜୁ । ଅନ୍ୟପଟେ ରାଜନାଥ ସିଂହ କହିଛନ୍ତି ଯେ, “ଅପରେସନ ସିନ୍ଦୂର ଏଯାଏ ଶେଷ ହୋଇନାହିଁ। ଏହା ଆଗକୁ ଚାଲୁ ରହିବ। ପାକିସ୍ତାନ ଆକ୍ରମଣ କଲେ ଏହାର ଜବାବ୍ ଦିଆଯିବ। ଯଦିଓ ଭାରତ ଏହି ସମୟରେ ପରିସ୍ଥିତିକୁ ଆହୁରି ଖରାପ କରିବାକୁ ଚାହୁଁନାହିଁ, କିନ୍ତୁ ଯଦି ପାକିସ୍ତାନ ଆକ୍ରମଣ କରେ ତେବେ ଭାରତ ଏହାର ଜବାବ ଦେବ। ଏହି ଅପରେସନ ଚାଲୁ ରହିଥିବାରୁ ଏହା ସହ ଜଡ଼ିତ ସବିଶେଷ ତଥ୍ୟ ଦିଆଯାଇପାରିବ ନାହିଁ।”ତେବେ ଭାରତ, ପାକିସ୍ତାନ ଏବଂ ପାକ-ଅଧିକୃତ କଶ୍ମୀରର ୯ଟି ସ୍ଥାନରେ ଏୟାରଷ୍ଟ୍ରାଇକ୍ କରି ଜୈଶ-ଏ-ମହମ୍ମଦ ଏବଂ ଲସ୍କର-ଏ-ତୈବାର ଆଡ୍ଡାକୁ ଧ୍ବଂସ କରିଥିଲା। ଏପ୍ରିଲ ୨୨ରେ ପହଲଗାମ୍ରେ ଆତଙ୍କବାଦୀ କରିଥିବା ଆକ୍ରମଣ ପରେ ଏହାର ପ୍ରତିଶୋଧ ନେବାକୁ ଏୟାରଷ୍ଟ୍ରାଇକ୍ କରିଥିଲା ଭାରତ। ଏପର୍ୟ୍ୟନ୍ତ ୧୦୦ଜଣ ଆତଙ୍କବାଦୀ ନିହତ ହୋଇଥିବା ବୈଠକରେ କହିଛନ୍ତି ରାଜନାଥ ସିଂହ।
