ଲହୁଣିପଡା : ଭାରସାମ୍ୟ ହରାଇ ଓଲଟିଲା ପିକଅପ । ଏଭଳି ଘଟଣା ଘଟିଛି କେବଲାଙ୍ଗ ଥାନା ଅନ୍ତର୍ଗତ ଚୋରଧରା ପଞ୍ଚାୟତ ଗଗନା ପୋଷ ନିକଟରେ । ପିକଅପ ଓଲଟିବାରୁ ୪୦ ଜଣ ଆହତ ହୋଇଛନ୍ତି । ସଭାସ୍ଥଳରେ ପହଁଚିବା ପୂର୍ବରୁ ମାତ୍ର କେଇ ମିଟର ଦୂରରେ ଓଲଟିଲା ପିକଅପ । ୨୬ ରୁ ଅଧିକ ଗୁରୁତରଙ୍କୁ ରାଉରକେଲାକୁ ସ୍ଥାନାନ୍ତର କରାଯାଇଥିଲା ବେଳେ ୧୩-୧୪ ଜଣଙ୍କୁ ଲହୁଣିପଡା ଡାକ୍ତରଖାନାରେ ଚିକିତ୍ସାଧୀନ ଥିବା ସୂଚନା ମିଳିଛି । କଣ ପାଇଁ ସଭା ହେଉଥିଲା ତାହା ଗୁରୁତର ମାନେ ସଠିକ ଭାବେ କହିପାରୁ ନ ଥିବା ବେଳେ ସାଙ୍ଗରେ ଆଧାରକାର୍ଡ ଧରି ଆସିବାକୁ କୁହାଯାଇଥିଲା ବୋଲି କିଛି ଆହତ କହିଛନ୍ତି । ଚୋରଧରା ପଞ୍ଚାୟତର ସମସ୍ତ ଲୋକଙ୍କୁ ଏହି ସଭାରେ ଯୋଗ ଦେବାକୁ କୁହାଯାଇଥଲା । ପୁଲିସ ଘଟଣାସ୍ଥଳରୁ ପିକଅପ ଜବତ କରି ଘଟଣାର ତଦନ୍ତ ଚଳାଇଛି ।
