କେନ୍ଦୁଝର : ଗତକାଲି ବୁଧବାର ରାତିରେ କେନ୍ଦୁଝର ଜିଲ୍ଲା ବଡ଼ବିଲ ଥାନା ଅନ୍ତର୍ଗତ ବଡ଼ବିଲ ମାର୍କେଟ ସ୍ଥିତ ସନ୍ତୋଷି ମା ମନ୍ଦିରରେ ଥିବା ଦାନ ବାକ୍ସ ,ଠାକୁରଙ୍କ ରୁପା ମୁକୁଟ, ସୁନା ମୁକୁଟ , ଠାକୁରଙ୍କ ରୁପା ସୁନା ଆସବାବ ପତ୍ର ଚୋର ଚୋରି କରି ନେଇ ପଳାଇଯାଇଥିଲେ । ଆଜି ମନ୍ଦିର କମିଟି ପକ୍ଷରୁ ଏହି ଚୋରି ଅଭିଯୋଗ ବିଷୟରେ ବଡ଼ବିଲ ଥାନାରେ ଲିଖିତ ଅଭିଯୋଗ କରିଥିଲେ । ଏହା ପରେ ନୂତନ ଭାବେ ନିୟୈ÷ଜିତ ହୋଇଥିବା ବଡ଼ବିଲ ଥାନା ଅଧିକାରୀ ଶ୍ରୀଯୁକ୍ତ ରମାକାନ୍ତ ମୁଦୁଲିଙ୍କ ନିର୍ଦ୍ଦେଶରେ ବଡ଼ବିଲ ଥାନାର ସବ୍ ଇନ୍ସପେକ୍ଟର ଶ୍ରୀଯୁକ୍ତ ବୋରଦା ପ୍ରସନ ସାହୁ ତଦନ୍ତ କରି ଚୋରକୁ ଧରିବା ସହିତ ଚୋରି ହୋଇଥିବା ଠାକୁରଙ୍କ ଜିନିଷ ପତ୍ର ଟଙ୍କା ଜବତ କରିଥିଲେ । ଏହାର ଆନୁମାଲିକ ମୂଲ୍ୟ ଏକ ଲକ୍ଷ ୨୫ ହଜାର ଟଙ୍କା ହେବ ।ଚୋରି କରି ଥିବା ଅଭିଯୁକ୍ତ ବଡ଼ବିଲ ନ୍ୟୁଉ ମାର୍କେଟ ର ବାଲବିର ସିଂ ଓରଫ୍ ଗୋରା । ଚୋରି କରି ଥିବା ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି ବୋଲି ବଡ଼ବିଲ ଥାନାର ଭାରପ୍ରାପ୍ତ ଅଧିକାରୀ ଶ୍ରୀଯୁକ୍ତ ରମାକାନ୍ତ ମୁଦୁଲି ସୂଚନା ଦେଇଛନ୍ତି।
