ପାଟଣାଗଡ : ରାସ୍ତା ଉପରେ ହୁତୁ ହୁତୁ ହୋଇ ଜଳୁଛି ବାଇକ୍ । ବଲାଙ୍ଗିର ଜିଲ୍ଲା ପାଟଣାଗଡ଼ ମୁଖ୍ୟରାସ୍ତା ଏନଏସି ଛକ ନିକଟରେ ରାସ୍ତା ଉପରେ ଘଟିଛି ଏହି ଅଘଟଣ । କିନ୍ତୁ ଏଭଳି ଅଘଟଣାରେ ଅଳ୍ପକେ ବର୍ତ୍ତିଯାଇଛନ୍ତି ଚାଳକ । ସୂଚନା ମୁତାବକ ସୁବୋଧ ବକୁଳ ନାମକ ଜଣେ ବ୍ୟାଙ୍କ କର୍ମଚାରୀ ରାସ୍ତାରେ ବାଇକରେ ଯାଉଥିବା ବେଳେ ବାଇକରେ କୌଣସି କାରଣରୁ ନିଆଁ ଲାଗିଯାଇଥିଲା । ନିଆଁ ଦେଖି ବାଇକରୁ ଓଲ୍ହାଇ ଦୌଡ଼ି ପଳାଇ ଯାଇଥିଲେ ସୁବୋଧ । ଆଉ ତୁରନ୍ତ ଅଗ୍ନିଶମ ବାହିନୀକୁ ଫୋନ କରିଥିଲେ । ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିବା ବେଳେ ବାଇକଟି ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ବାଇକ ରାସ୍ତାରେ ହୁହୁ ହୋଇ ଜଳୁଥିବା ଫଳରେ ଉକ୍ତ ସ୍ଥାନରେ ରାସ୍ତା ଜାମ ଦେଖିବାକୁ ମିଳିଥିଲା । ପାଟଣାଗଡ଼ ପୋଲିସ ପହଞ୍ଚି ରାସ୍ତା ଖାଲି କରିବା ସହିତ ବାଇକ ପୋଡିର ଅଧିକ ତଦନ୍ତ ଜାରି ରଖିଛି ।
