ନୂଆଦିଲ୍ଲୀ : ରାମନବମୀରେ ରେଳସେତୁ ଲୋକାର୍ପଣ କରିବେ ପ୍ରଧାନମନ୍ତ୍ରୀ । ନୂତନ ପମ୍ବନ ରେଳସେତୁ ଲୋକାର୍ପଣ ହେବ। ତାମିଲନାଡୁରେ ରେଳସେତୁର ଲୋକର୍ପଣ କରିବେ ପ୍ରଧାନମନ୍ତ୍ରୀ । ସେତୁରେ ରେଳ ମାର୍ଗ ସହିତ ଜାହାଜ ଚଳାଚଳର ମଧ୍ୟ ବ୍ୟବସ୍ଥା ରହିଛି । ରାମେଶ୍ବରମ-ତାମ୍ବରମ ନୂତନ ରେଳ ସେବାର ମଧ୍ୟ ଶୁଭାରମ୍ଭ ହେବ।ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତାକାଲି ରାମନବମୀ ଅବସରରେ ତାମିଲନାଡୁର୍ ନବନିର୍ମିତ ପମ୍ବନ ରେଳସେତୁର ଲୋକର୍ପଣ କରିବେ । ଏହା ଭାରତର ପ୍ରଥମ ଭୂଲମ୍ବ ଲିଫ୍ଟ ସମୁଦ୍ର ସେତୁ । ଯାହା ୫୫୦ କୋଟି ଟଙ୍କାର ମୂଲ୍ୟରେ ନିର୍ମାଣ କରାଯାଇଛି । ଏହି ସେତୁରେ ରେଳ ମାର୍ଗ ସହ ଜାହାଜ ଚଳାଚଳର ବ୍ୟବସ୍ଥାକୁ ମଧ୍ୟ ରଖାଯାଇଛି । ଏହା ବ୍ୟତୀତ ପ୍ରଧାନମନ୍ତ୍ରୀ ତାମିଲନାଡ଼ୁରେ ୮ହଜାର ୩୦୦କୋଟି ଟଙ୍କାରୁ ଅଧିକ ମୂଲ୍ୟର ବିଭିନ୍ନ ରେଳ ଏବଂ ସଡ଼ ପ୍ରକଳ୍ପର ଶିଳାନ୍ୟାସ କାର୍ୟ୍ୟକ୍ରମର ଆୟୋଜନ କରାଯାଇଛି । ନୂତନ ପମ୍ବନ ରେଳସେତୁର ଉଦଘାଟନ ଅବସରରେ ପ୍ରଧାନମନ୍ତ୍ରୀ ରାମେଶ୍ବରମ-ତାମ୍ବରମ ନୂତନ ରେଳ ସେବାର ମଧ୍ୟ ଶୁଭାରମ୍ଭ କରିବେ।
