ଜଗତସିଂହପୁର : ଛତୁଆ ପ୍ୟାକେଟରୁ ବାହାରିଲା ମଲା ବେଙ୍ଗ । ଜଗତସିଂହପୁର ଜିଲ୍ଲା ତିର୍ତ୍ତୋଲ ବ୍ଲକ ଦାଇଁଲୋ ପଂଚାୟତ ପରୁଣା ଗ୍ରାମର ମନୋରଞ୍ଜନ ଦାଶ ତାଙ୍କ ଛତୁଆରୁ ଏକ ମଲା ବେଙ୍ଗ ବାହାରିଥିବା ନେଇ ଅଭିଯୋଗ କରିଥିଲେ । ମଣ୍ଡଳ ଉନ୍ନୟନ ଅଧିକାରୀଙ୍କ ସହିତ ଯୋଗାଯୋଗ ହୋଇନଥିବାବେଳେ ଶିଶୁ ମଙ୍ଗଳ ଅଧିକାରିଣୀ ଶ୍ରୀମତୀ ପାତ୍ର ତଦନ୍ତ କରାଯିବ ବୋଲି କହିଥିବା ବେଳେ ଏହି ଘଟଣାକୁ ସରପଞ୍ଚଙ୍କ ସ୍ୱାମୀ କ୍ଷୀରୋଦ କୁମାର ବାରିକ, ଅଙ୍ଗନବାଡି ସୁପରଭାଇଜର ଶୋଭାରାଣୀ ମହାନ୍ତି ଓ ଶିଶୁମଙ୍ଗଳ ଅଧିକାରିଣୀ ଦିପ୍ତିମୟୀ ପାତ୍ର ପ୍ରମୁଖ ଚପାଇଦେବାକୁ ମନୋରଞ୍ଜନଙ୍କୁ ଚାପ ପକାଉଥିବା କହିଥିଲେ । ମନୋରଞ୍ଜନଙ୍କୁ ସୁପରଭାଇଜର କହିଥିଲେ ଛତୁଆ ପାକେଟରେ ବେଙ୍ଗକୁ ଭଗବାନ ପୁରାଇଛନ୍ତି । ତୁମେ ଅଭିଯୋଗ କଲେ କଣ ହେବ । ଛତୁଆ ବିତରଣକରି ଅନୁଷ୍ଠାନର କିଛି ହେବନାହିଁ । କାରଣ ଏହି ଛତୁଆ ବିତରଣ କାରୀଙ୍କ ଠାରୁ ବ୍ଲକ ପ୍ରଶାସନ, ଶିଶୁ ମଙ୍ଗଳ କାର୍ୟ୍ୟାଳୟ ଓ ରାଜନେତା ମାନେ ମୋଟା ଅଙ୍କରେ ଅର୍ଥ ନେଉଛନ୍ତି । ଏହି ଘଟଣାରେ ସମସ୍ତେ ଚୁପ ଅଛନ୍ତି ତୁମେ କଣ ପାଇଁ ହଇରାଣ ହେବ । ତୁମେ ଏଥିରୁ ଓହରିଯାଅ ବୋଲି ଶିଶୁମଙ୍ଗଳ ଅଧିକାରିଣୀ ଓ ସୁପରଭାଇଜର କହିଥିଲେ ବୋଲି ଶ୍ରୀଯୁକ୍ତ ଦାଶ କହିଛନ୍ତି । ଏହି ଘଟଣାକୁ ଦାଇଁଲୋ ସରପଞ୍ଚ ଅନିତା ବାରିକଙ୍କ ସ୍ୱାମୀ କ୍ଷୀରୋଦ କୁମାର ବାରିକ ଚପାଇଦେବାପାଇଁ ସମସ୍ତ ପ୍ରଚେଷ୍ଟା ଜାରିରଖିଛନ୍ତି । ଛତୁଆ ବିତରଣ କାରି ଅନୁଷ୍ଠାନ ବନବିହାରୀ ସ୍ୱୟଂ ସହାୟକ ଗୋଷ୍ଠୀର ଅବହେଳା ବେପରୁଆ ମନୋଭାବ କୋମଳମତି ଓ ଗର୍ଭବତୀ ମା ମାନଙ୍କ ଜୀବନ ପ୍ରତି ବିପଦ ରହିଥିବାନେଇ ଅଭିଯୋଗ ହୋଇଛି । ଜ଼ିଲ୍ଲା ପ୍ରଶାସନ ଏଥିପ୍ରତି ତଦନ୍ତ କରି କାର୍ୟ୍ୟାନୁଷ୍ଠାନ ନେବାପାଇଁ ଦାବୀ ହୋଇଛି କ୍ଷ
