ଭୁବନେଶ୍ୱର : ବଢୁଛି ଗୁମର । କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟା ଘଟଣା । ଏସପି ଯତିନ ପଣ୍ଡାଙ୍କ ସହ ଶର୍ମିଷ୍ଠାର ଫଟୋ ଭାଇରାଲ । ଏବେ ପୋଲିସ ତଦନ୍ତକୁ ନେଇ ଉଠିଲାଣି ପ୍ରଶ୍ନ । ପଦାକୁ ଆସିଲା ତଦନ୍ତକାରୀ ଅଧିକାରୀଙ୍କ ସହ ଅଭିଯୁକ୍ତଙ୍କ ଫଟୋ । ଭଦ୍ରକ ଅତିରିକ୍ତ ଏସପି ଯତିନ ପଣ୍ଡାଙ୍କ ସହ ଶର୍ମିଷ୍ଠାର ଫଟୋ ଏବେ ଭାଇରାଲ ହେଉଛି । ପୂର୍ବରୁ ଉଭୟେ ବିଭିନ୍ନ କାର୍ୟ୍ୟକ୍ରମରେ ଏକାଠି ଯୋଗ ଦେଇଥିଲେ ।
ସୂଚନା ଅନୁଯାୟୀ, ମାନସ ସ୍ୱାଇଁ ହତ୍ୟା ଘଟଣାରେ ଶର୍ମିଷ୍ଠାଙ୍କ ସହ ଭଦ୍ରକ ଅତିରିକ୍ତ ଏସପି ଯତୀନ ପଣ୍ଡାଙ୍କ ଫଟୋ ଏବେ ଭାଇରାଲ ହେବାରେ ଲାଗିଛି । ଏହି ଫଟୋଟି ଭଦ୍ରକ ଜିଲ୍ଲା ସ୍ୱତନ୍ତ୍ର ଉପକାରାଗାରର ବୋଲି କୁହାଯାଉଛି । ୨୦୨୧ ମସିହାର ଏହି ଫଟୋ ବୋଲି କୁହାଯାଉଛି । ତେବେ ଫଟୋକୁ ଶର୍ମିଷ୍ଠା ନିଜ ସୋସିଆଲ୍ ମିଡିଆ ଆକାଉଣ୍ଟରେ ପୋଷ୍ଟ କରିଛନ୍ତି । କିରଣ ସପୋର୍ଟ ସେଣ୍ଟର ନାମକ ଏକ ପ୍ରୋଜେକ୍ଟର ଏହି କାର୍ଯ୍ୟକ୍ରମକୁ ଓଡିଶା ସରକାରଙ୍କ ଡାଇରେକ୍ଟରେଟ ଅଫ ପ୍ରିଜିନ୍ସ ସପୋର୍ଟ କରିଥିବା ପୋଷ୍ଟରରେ ମଧ୍ୟ ଲେଖା ରହିଛି । ସେପଟେ ଭଦ୍ରକ ଏସ୍ପି ଏନେଇ ପ୍ରତିକ୍ରିୟା ରଖିଛନ୍ତି । ଘଟଣାର ତଦନ୍ତ ପ୍ରକ୍ରିୟା ଚାଲିଛି । ମୋ ନଜରରେ ଏବେ ଯାଏଁ ଏମିତି କିଛି ଘଟଣା ଆସିନାହିଁ । ଯଦି ଆସିବ, ତାହାଲେ ଆଗକୁ ଏହାର ତଦନ୍ତ ହେବ । ତଦନ୍ତ ପରେ ପୁରା ଘଟଣା ଉପରୁ ପରଦା ହଟିିବ । ସେହିପରି ଶର୍ମିଷ୍ଠା ରାଉତ ଓ ଝୁନାଙ୍କୁ ଗିରଫ କରିବା ପାଇଁ ପୋଲିସ ଟିମ୍ ବିଭିନ୍ନ ସ୍ଥାନରେ ଚଢାଉ ମଧ୍ୟ କରୁଛି । ଖୁବଶୀଘ୍ର ସେମାନଙ୍କୁ ଗିରଫ କରାଯିବ ।
